- టెన్త్స్టూడెంట్స్కు ఇంగ్లిష్ కూడా సరిగా వస్తలేదు
- వెంటనే స్పెషల్క్లాసులు తీసుకోవాలని ఆదేశాలు
యాదాద్రి, వెలుగు : ‘ టెన్త్ క్లాస్ స్టూడెంట్స్కు ఇంగ్లిష్ సరిగా వస్తలేదు. ఏం.. చదువు చెబుతున్నరు’.. అంటూ టీచర్పై యాదాద్రి కలెక్టర్ హనుమంతరావు సీరియస్ అయ్యారు. గురువారం భువనగిరి మండలం బొల్లేపల్లి హైస్కూల్ను గురువారం కలెక్టర్ ఆకస్మికంగా సందర్శించారు. ముందుగా టెన్త్క్లాస్ రూమ్కు వెళ్లి ఓ స్టూడెంట్ వద్ద ఇంగ్లిష్ బుక్తీసుకొని డిక్టేషన్ చెప్పారు. అనంతరం స్టూడెంట్స్రాసిన నోట్బుక్ లను పరిశీలించారు. ఓ స్టూడెంట్ స్పెలింగ్ అంతా క్యాపిటల్ లెటర్స్లో రాయగా.. మరికొందరు మధ్య మధ్యలో క్యాపిటల్ లెటర్స్వాడారు.
ఓ స్టూడెంట్ ‘ అన్ కాంప్రమైజింగ్’ అన్న పదంలో 'యూ' చోట 'ఓ' రాశాడు. దీంతో స్టూడెంట్స్కు ఎలా రాయాలో కలెక్టర్ సూచించారు. కొందరు స్టూడెంట్స్ తో ఇంగ్లిష్ పాఠం చదివించగా.. కొందరు ఒకటి రెండు పదాలు కూడా సరిగా చదవలేదు. దీంతో కలెక్టర్ సీరియస్ అయ్యారు. ఏం చదువు చెబుతున్నారని ఇంగ్లిష్ టీచర్ను ప్రశ్నించారు. టెన్త్ క్లాస్ స్టూడెంట్స్కు ఇంగ్లిష్ రాయడం, చదవడం రాకుంటే ఎట్లా..? అని ఆగ్రహం వ్యక్తం చేశారు. స్టూడెంట్స్కు అర్థమయ్యే విధంగా టీచర్స్లెసెన్స్ చెప్పాలని, టీచింగ్ లో నిర్లక్ష్యంగా వ్యవహరిస్తే చర్యలు తప్పవని కలెక్టర్ హెచ్చరించారు.
