అఖిల్ హీరోగా మురళీ కిశోర్ అబ్బూరు దర్శకత్వంలో అక్కినేని నాగార్జున, సూర్యదేవర నాగ వంశీ నిర్మిస్తున్న చిత్రం ‘లెనిన్’. గురువారం ఈ చిత్రం నుంచి రెండో పాటను విడుదల చేశారు. ‘‘ఎట్టా ఎట్టా ఎట్టా ఎట్టాగ.. ఓ యమ్మీ ఇట్టా నువ్వు ముస్తాబైతే ఎట్టా ఎట్టాగా..” అనే పల్లవితో మొదలైన ఈ మాస్ మెలోడీ సాంగ్ను తమన్ కంపోజ్ చేయడంతో పాటు శ్రీకృష్ణతో కలిసి పాడాడు.
‘‘రెండు కళ్లు సరిపోతలే.. రెప్ప మూయాలి అనిపిస్తలే.. నువ్వు తప్ప కనిపిస్తలే.. నీలా ఎవ్వరు అనిపిస్తలే.. నడుమేమో జానెడు జానెడు.. ఆ జడ చూస్తే బారెడు బారెడు.. తల్లో మడిచి ఎట్టుకున్న మల్లెపూలు మూరెడు.. నిన్ను ఎట్టా చెక్కాడే దేవుడు..” అంటూ భాస్కరభట్ల రాసిన సాహిత్యం ఆకట్టుకుంది.
బృందా మాస్టర్ కొరియోగ్రఫీలో అఖిల్ వేసిన మాస్ స్టెప్స్, భాగ్యశ్రీ బొర్సే గ్లామర్తో పాటు ఈ ఇద్దరి ఆన్ స్క్రీన్ కెమిస్ట్రీ హైలైట్గా నిలిచింది. జూన్ 26న సినిమా విడుదల కాబోతోంది.
