హైదరాబాద్: అంతర్జాతీయ యోగా దినోత్సవాన్ని పురస్కరించుకుని టీ గోల్ఫ్ ఫౌండేషన్, స్టూడియో అనంత సంయుక్తంగా ప్రత్యేక గోల్ఫ్ టోర్నీని నిర్వహించాయి. గచ్చిబౌలీ బౌల్డర్ హిల్స్ గోల్ఫ్ అండ్ కంట్రీ క్లబ్‌‌లో జరిగిన ఈ టోర్నీలో రికార్డు స్థాయిలో 124 మంది గోల్ఫర్లు పాల్గొన్నారు. గ్రాస్ విన్నర్ గా అనూజ్ మెహతా, బెస్ట్ లేడీ గోల్ఫర్ గా రితికా శాంట్ కేశ్వని, మెంబర్ కేటగిరీ విన్నర్ గా రాజశేఖర్ రాయపరోలు, హ్యాండీక్యాప్ కేటగిరీ18 విన్నర్గా టీటీవీఆర్ ప్రసాద్, హ్యాండీ క్యాప్ 19 విన్నర్గా జేపీ రెడ్డి నిలిచారు.
విజేతలకు స్టూడియో అనంత ఫౌండర్ చైతన్య , కో ఫౌండర్ స్రవంతి, బౌల్డర్ హిల్స్ సీఎఫ్ వో మధుసూదన్, జనరల్ మేనేజర్ పాపిరెడ్డి, డీఎస్ఆర్ గ్రూప్ డైరెక్టర్ సాహిత్ రెడ్డి, ఫోకస్ డెంటల్ కేర్ డాక్టర్ అజయ్ కృష్ణ, నైలా ఎయిర్ వాటర్ పార్ట్నర్ మధుసూదన్ రావు ట్రోఫీలు అందజేశారు. బ్రీత్ అండ్ బిర్డీ పేరుతో నిర్వహించిన యోగా డే టోర్నీకి ఇంత మంచి స్పందన రావడం సంతోషంగా ఉందని బౌల్డర్ హిల్స్ గోల్ఫ్ అండ్ కంట్రీ క్లబ్ సీఎఫ్ వో మధుసూదన్ రావు చెప్పారు.
