మాదాపూర్, వెలుగు : లవ్ ఫెయిల్ కావడంతో ఓ యువకుడు సూసైడ్ చేసుకున్న ఘటన మాదాపూర్ పీఎస్పరిధిలో జరిగింది. ఎస్ఐ మాల్యానాయక్ తెలిపినవివరాల ప్రకారం.. అసోంలోని ఐలాఖండి జిల్లా దినానంత్ పూర్ గ్రామానికి చెందిన సంజు బర్మన్(23) మాదాపూర్ సిద్ధిక్ నగర్లోని ఓ రూమ్లో ఫ్రెండ్స్ తో కలిసి ఉంటున్నాడు. సంజు మాదాపూర్లోని గోల్డెన్ స్టార్ హోటల్ లో హౌస్కీపర్ గా పనిచేస్తున్నాడు. సంజు తన సొంతూరికి చెందిన ఓ యువతిని కొంతకాలంగా ప్రేమిస్తున్నాడు. ఆమె అతడి ప్రేమను నిరాకరించడంతో బుధవారం మధ్యాహ్నం 3 గంటలకు తన రూంలో ఉరేసుకున్నాడు. సంజు రూమ్ మేట్స్ కంప్లయింట్ మేరకు పోలీసులు కేసు ఫైల్ చేసి దర్యాప్తు చేస్తున్నారు.
