నిర్మల్/కుంటాల, వెలుగు: గ్రూప్ 4 ఫలితాల్లో నిర్మల్ పట్టణానికి చెందిన యువకుడు కత్రోజు విజయ్ 73వ ర్యాంకు సాధించాడు. రాష్ట్రం మొత్తం మీద 8700 ఉద్యోగాలకు సుమారు 7 లక్షల మంది పరీక్ష రాయగా.. నిర్మల్ జిల్లాలో విజయ్ అత్యుత్తమంగా నిలిచాడు.
సాఫ్ట్ వేర్ ఉద్యోగం వదిలి ప్రభుత్వ ఉద్యోగం పొందాలనే తపనతో రెండేండ్ల నుంచి సివిల్స్, గ్రూప్-1 ఉద్యోగాల కోసం హైదరాబాద్ లో ప్రిపేర్ అవుతున్న విజయ్.. జేఎన్టీయూ నుంచి ఎలక్ట్రానిక్స్ ఇన్స్ట్రుమెంటేషన్ ఇంజనీరింగ్ లో పట్టభద్రుడు. గ్రూప్–1 ఉద్యోగం సాధించడమే తన లక్ష్యమని విజయ్ పేర్కొన్నారు. అతడి తండ్రి శ్రీనివాస్ ప్రభుత్వ ఉపాధ్యాయుడిగా నిర్మల్లో పనిచేస్తున్నారు. కుంటాల మండల కేంద్రానికి చెందిన యువకుడు తాటి సాయితేజ 541 ర్యాంక్ సాధించాడు.
