నిజామాబాద్ రూరల్, వెలుగు : గిరిజనుల ఆరాద్య దైవం సంత్ సేవాలాల్ మహరాజ్ జయంతి ఉత్సవాలను అధికారికంగా నిర్వహించాలని ఆల్ ఇండియా బంజారా సేవా సంఘం నాయకులు కోరారు. శనివారం మోపాల్ మండల కేంద్రంలో నిర్వహించిన సమావేశంలో వారు మాట్లాడారు. బంజారాల అభ్యున్నతికి సేవాలాల్ మహరాజ్ ఎనలేని కృషి చేశారని కొనియాడారు.
దేశంలో 15 కోట్లకుపైగా గిరిజనులు ఆయనను పూజిస్తున్నారన్నారు. సేవాలాల్ జయంతి రోజు సెలవు దినంగా ప్రకటించాలని డిమాండ్ చేశారు. కార్యక్రమంలో ప్రధాన కార్యదర్శి జలందర్, జిల్లా గౌరవ అధ్యక్షుడు నరేశ్, జిల్లా యువజన అధ్యక్షుడు ఇందల్, హోమ్ సింగ్, జోర్ సింగ్, గౌతమ్ పాల్గొన్నారు.
