కోల్బెల్ట్, వెలుగు: మందమర్రి పట్టణానికి చెందిన సామాజిక సేవకురాలు బత్తుల సరిత అత్యంత ప్రతిష్ఠాత్మక ‘గ్లోబల్ ఎక్స్లెన్స్ పురస్కారం’ అందుకున్నారు. ఈ నెల 8న న్యూఢిల్లీలో తెలంగాణ సాంస్కృతిక సాహిత సేవా ట్రస్ట్ ఆధ్వర్యంలో అవార్డు అందజేశారు.
సామాజిక సేవా రంగంలో సరిత చేస్తున్న కృషిని గుర్తించి ఈ అవార్డును అందించినట్లు ట్రస్ట్ నిర్వాహకులు డాక్టర్ మాచవరంగౌరీ తెలిపారు. గ్లోబల్ ఎక్స్లెన్స్ అవార్డు రావడం తనపై మరింత బాధ్యతను పెంచిందని, మహిళారంగ సమస్యల పరిష్కారానికి కృషి చేస్తానని అవార్డు గ్రహీత సరిత పేర్కొన్నారు.
