- భద్రాద్రికొత్తగూడెం కలెక్టర్జితేశ్ వి పాటిల్
భద్రాద్రికొత్తగూడెం, వెలుగు : డబుల్ బెడ్ రూమ్ ఇండ్ల మంజూరులో అవినీతికి పాల్పడితే కఠిన చర్యలు తీసుకుంటామని కలెక్టర్ జితేశ్ వి పాటిల్ హెచ్చరించారు. కలెక్టరేట్లో పలు శాఖల ఆఫీసర్లతో మంగళవారం నిర్వహించిన మీటింగ్లో ఆయన మాట్లాడారు. అర్హులైన వారికే డబుల్ బెడ్ రూమ్ ఇండ్లను శాంక్షన్ చేయాలన్నారు. ఫ్యామిలీ డిజిటల్ కార్డు కోసం కుటుంబ వివరాలను పక్కాగా సేకరించాలని ఆఫీసర్లను ఆదేశించారు. వంద శాతం కుటుంబసర్వేను చేపట్టాలన్నారు.
ఏకో బ్రిక్స్ తయారీ విజేతలకు బహుమతులు
స్వచ్ భారత్ మిషన్, స్వచ్ఛతా హి సేవ ప్రోగ్రాంలో భాగంగా జిల్లా వ్యాప్తంగా నిర్వహించిన పోటీల్లో ఆకట్టుకునే విధంగా ఎకో బ్రిక్స్తయారు చేసిన వారికి కలెక్టర్ బహుమతులను అందజేశారు. కలెక్టరేట్లో జరిగిన ప్రోగ్రాంలో వినూత్నంగా ఎక్కువ సంఖ్యలో ఏకో బ్రిక్స్ తయారు చేసిన బూర్గంపహడ్, సుజాతనగర్, లక్ష్మీదేవిపల్లి ఎంపీడీవోలకు, పంచాయతీ కార్యదర్శులను కలెక్టర్ ప్రశంసించారు. వ్యర్థాలతో అర్థవంతమైన కళాకృతులు తయారు చేసే పోటీలో ప్రతిభ చూపిన స్టూడెంట్స్కు ఆయన బహుమతులు అందజేశారు.
ఇలాంటి ప్రోగ్రామ్స్ నెలకోసారి జరిగేలా చూడాలని ఆఫీసర్లను ఆదేశించారు. స్కూల్ లెవెల్లో సులానగర్ స్కూల్కు చెందిన ఎనిమిదో తరగతి స్టూడెంట్ ఎన్. మనస్విని ఫస్ట్, రామవరం స్కూల్కు చెందిన తొమ్మిదో తరగతికి చెందిన సాయి హరిత సెకండ్, పోకల గూడెంకు చెందిన ఎనిమిదో తరగతి స్టూడెంట్ బి. ధనూష్ థర్డ్ ప్లేస్లో నిలిచారు. ఇంటర్ స్థాయిలో ములకలపల్లి మండలంలోని సోషల్ వెల్ఫేర్ గురుకుల కాలేజీకి చెందిన ఎస్. జ్యోత్స్న ఫస్ట్ , భద్రాచలానికి చెందిన రాంచరన్ సెకండ్ ప్లేస్లో నిలిచారు.
వృద్ధుల సంక్షేమానికి ప్రాధాన్యత..
వృద్ధుల సంక్షేమానికి ప్రభుత్వం ప్రాధాన్యత ఇస్తోందని కలెక్టర్ తెలిపారు. కలెక్టరేట్లో నిర్వహించిన అంతర్జాతీయ వయో వృద్ధుల దినోత్సవం సందర్భంగా ఏర్పాటు చేసిన ప్రోగ్రాంలో ఆయన మాట్లాడారు. సీనియర్ సిటిజన్స్ అసోసియేషన్ కమ్యూనిటీ హాల్ బిల్డింగ్ నిర్మాణానికి ప్రణాళికలు సిద్ధం చేస్తామన్నారు.అనంతరం పలువురు సీనియర్ సిటిజన్స్ను కలెక్టర్ సన్మానించారు.
