ఆదిలాబాద్టౌన్, వెలుగు: కొన్ని దశాబ్దాలుగా కాంగ్రెస్ బీసీలకు అన్యాయం చేస్తోందని ఎమ్మెల్యే పాయల్ శంకర్ విమర్శించారు. శుక్రవారం స్థానిక ఎమ్మెల్యే క్యాంపు కార్యాలయంలో మీడియా సమావేశంలో ఆయన మాట్లాడారు. టీపీసీసీ అధ్యక్షుడు మహేశ్కుమార్గౌడ్ బీజేపీ రాష్ర్ట అధ్యక్షుడి నియామకానికి బీసీలు దొరకలేదా అనడాన్ని ఆయన తీవ్రంగా ఖండించారు. బీజేపీ అంటేనే బీసీలకు, బడగు బలహీన వర్గాలకు న్యాయం చేసే పార్టీ అన్నారు.
ఉమ్మడి రాష్ర్టం ఉన్న నాటి నుంచి కాంగ్రెస్ అధికారంలో ఉన్నపుడు అగ్రవర్ణాలకే ముఖ్యమంత్రి పదవి కట్టబెట్టిందని పేర్కొన్నారు. ప్రభుత్వానికి బీసీలపై ప్రేమ ఉంటే ముందు సీఎంను బీసీని చేసి జనాభా దమాషా ప్రకారం రాష్ర్టంలో బీసీలకు మంత్రి పదవులు ఇవ్వాలని డిమాండ్ చేశారు. తమ రాష్ర్ట అధ్యక్షుడిని విమర్శించే హక్కు కాంగ్రెస్కు లేదన్నారు. నాయకులు ఆకుల ప్రవీణ్, రఘుపతి, లాలమున్న, జోగు రవి, కృష్ణ యాదవ్, భరత్, భీమ్ సేన్ రెడ్డి, తదితరులు పాల్గొన్నారు.
