పబ్లు, క్లబ్లదే బాధ్యత.. కస్టమర్లు తాగి బండ్లు నడపకుండా చూడాలి : సైబరాబాద్ పోలీసు

• న్యూఇయర్ వేళ సైబరాబాద్ పోలీసుల ఆంక్షలు
• వాహనదారులు డాక్యుమెంట్స్​వెంటే ఉంచుకోవాలి 
• వయలేషన్స్ ​గుర్తించడానికి స్పెషల్​ కెమెరాల ఏర్పాటు 

గచ్చిబౌలి, వెలుగు : డిసెంబర్​31న రాత్రి న్యూ ఇయర్​ వేడుకల సందర్భంగా సైబరాబాద్​కమిషనరేట్​పరిధిలో పలు ట్రాఫిక్​ఆంక్షలు విధించడంతో పాటు పలు మార్గదర్శకాలను విడుదల చేశారు. పోలీసుల సూచనలు పాటించని వారిపై కఠిన చర్యలు తీసుకుంటామని హెచ్చరించారు.  

రైడ్​ క్యాన్సిల్​ చేస్తే జరిమానా

క్యాబ్, టాక్సీ, ఆటో రిక్షా డ్రైవర్లు, ఆపరేటర్లు యూనిఫాం వేసుకుని ఉండాలని, రైడ్స్​ సందర్భంగా అన్ని డాక్యుమెంట్లు క్యారీ చేయాలన్నారు. ఎవరైనా బుక్​చేసిన రైడ్​ను క్యాన్సిల్​ చేయకూడదని, అలా చేస్తే..ఈ-చలాన్​ రూపంలో ఫైన్​ వేస్తామన్నారు. ఎవరైనా అలాంటి ఇబ్బందులు ఎదుర్కొన్నట్టయితే వాహన వివరాలు, సమయం, స్థలం వంటి వాటితో 9490617346 వాట్సాప్​నంబర్​కు ఫిర్యాదు చేయవచ్చన్నారు. అధిక చార్జీలు డిమాండ్ చేసినా చర్యలు తప్పవన్నారు.  

బార్లు, పబ్​లు, క్లబ్​లు ఇవి చేయాల్సిందే.. 

బార్, పబ్, క్లబ్ లకు వచ్చే కస్టమర్లు మద్యం మత్తులో వాహనం నడపకుండా ప్రత్యామ్నాయ ఏర్పాట్లు చేయాలని సైబరాబాద్​ పోలీసులు సూచించారు. లేకపోతే వారిపై చర్యలు తప్పవన్నారు. పార్టీ ముగిశాక ఎవరైనా మద్యం మత్తులో వాహనం నడుపుతున్నారని తెలిస్తే అడ్డుకోవాలన్నారు.  

స్పెషల్​ కెమెరాలు పట్టేస్తాయ్..

రాంగ్ సైడ్ డ్రైవింగ్, అనధికారిక పార్కింగ్, ఓవర్ స్పీడ్, సిగ్నల్ జంప్, ర్యాష్​ డ్రైవింగ్, హెల్మెట్ లేకుండా వాహనాలు నడపడాన్ని గుర్తించడానికి స్పెషల్ కెమెరాలు ఇన్‌‌స్టాల్ చేశామని పోలీసులు తెలిపారు. సైబరాబాద్ పరిధిలోని అన్ని రోడ్లపై సాయంత్రం 8 గంటల నుంచి డ్రంక్ అండ్​డ్రైవ్​తనిఖీలు మొదలుపెడతామన్నారు. ఆ టైంలో వాహనాల డాక్యుమెంట్లు కూడా చూపించాలని లేకపోతే స్వాధీనం చేసుకుంటామన్నారు. మైనర్ డ్రైవింగ్ చేస్తూ దొరికినా చర్యలు తప్పవన్నారు., ఒకవేళ వాహనాలు స్వాధీనం చేసుకుంటే వారు వెళ్లేందుకు ఏర్పాట్లూ కూడా చూసుకోవాల్సి ఉంటుందన్నారు. వాహనాల్లో ఎక్కువ సౌండ్​తో మ్యూజిక్​ప్లే చేసినా జప్తు చేస్తామన్నారు. నంబర్ ప్లేట్లు ఉండాలని, ఓవర్​ క్రౌడింగ్ ఉన్నా, వాహనాల పై కూర్చొని ప్రయాణించినా కేసులు బుక్​చేస్తామన్నారు.  నమోదు చేసే కేసులను బట్టి జరిమానా, లేదా జైలు శిక్ష విధించే అవకాశం 
ఉంటుందన్నారు.

వేడుకల వేళ స్పెషల్​ చెకింగ్​డీసీపీ వైభవ్ గైక్వాడ్

బషీర్​బాగ్, వెలుగు : కొత్త సంవత్సర వేడుకల నేపథ్యంలో డ్రగ్స్​నిరోధించేందుకు నగరవ్యాప్తంగా పబ్‌‌లు, క్లబ్‌‌లు, బార్‌‌లు, రెస్టారెంట్లలో ప్రత్యేక టీమ్స్​తో ఆకస్మిక తనిఖీలు నిర్వహించనున్ననట్లు టాస్క్ ఫోర్స్, హైదరాబాద్ నార్కోటిక్ ఎన్‌‌ఫోర్స్‌‌మెంట్ వింగ్ డీసీపీ వైభవ్ గైక్వాడ్ తెలిపారు. ఈ నెల 27న ఏడు డెకాయ్ టీమ్స్, 28న 8 టీమ్స్​తో చెకింగ్​నిర్వహించినట్టు చెప్పారు. డిసెంబర్ 27న  40 మందిని చెక్​చేయగా ఒక్కరు మాత్రమే గాంజా తీసకున్నట్టు వెల్లడైందన్నారు. 28న చేసిన 25ని పరీక్షించగా ఎవరికీ పాజిటివ్ రాలేదన్నారు.