వచ్చే 36 గంటల్లో బిపార్జోయ్ తుపాను మరింత తీవ్రం కానుందని, మరో రెండు రోజుల్లో ఉత్తర వాయువ్య దిశగా పయనిస్తుందని భారత వాతావరణ శాఖ (ఐఎండీ) ట్వీట్‌లో తెలిపింది. జూన్ 8 రాత్రి 11:30 గంటలకు గోవాకు పశ్చిమ-నైరుతి దిశలో 840 కిలోమీటర్లు, ముంబైకి పశ్చిమ-నైరుతి దిశలో 870 కిలోమీటర్ల దూరంలో ఉన్న తూర్పు-మధ్య అరేబియా సముద్రంపై ఈ తుపాను ప్రభావం చాలా ఉందని చెప్పింది.
సైక్లోన్ బిపార్జోయ్ కారణంగా గాలి వేగం పెరిగే అవకాశం ఉందని, అది జూన్ 10, 11 తేదీల్లో మరింత తీవ్రం కానుందని ఐఎండీ తెలిపింది. జూన్ 08న తూర్పు-మధ్య అరేబియా సముద్రం మీదుగా బైపార్జోయ్.. గోవాకు పశ్చిమ-నైరుతి దిశలో 840 కి.మీ, ముంబైకి పశ్చిమ-నైరుతి దిశలో 870 కి.మీ.ల మీదుగా ప్రయాణించింది. ఈ క్రమంలోనే వచ్చే 36 గంటల్లో మరింత ఈ తుపాను క్రమక్రమంగా మరింత బలపడి వచ్చే 2 రోజుల్లో ఉత్తర-వాయువ్య దిశగా వెళ్లనుందని ట్వీట్ చేసింది. అరేబియా సముద్రంలో తుపాను ప్రభావిత ప్రాంతాల్లోకి మత్స్యకారులు వెళ్లవద్దని వాతావరణ శాఖ ఇప్పటికే సూచించింది. సముద్రంలో ఉన్నవారు తీరానికి తిరిగి రావాలని గతంలోనే తెలిపింది.
https://twitter.com/Indiametdept/status/1666916678712672256
