కామారెడ్డిటౌన్/సిరికొండ/సదాశివనగర్/ధర్పల్లి, వెలుగు : ఉమ్మడి జిల్లాలోని పలు గ్రామాల్లో బోనాల ఉత్సవాలు ఘనంగా జరిగాయి. బాజాభజంత్రీలతో మహిళలు బోనాల ఊరేగింపు నిర్వహించగా, శివసత్తుల పూనకాలు, పోతరాజుల విన్యాసాలు చూపరులను ఆకట్టుకున్నాయి. అమ్మవార్లకు నైవేద్యం సమర్పించి మొక్కులు తీర్చుకున్నారు. కామారెడ్డి మండలంలోని పాతరాజంపేట, టెకిర్యాల్, ఉగ్రవాయి గ్రామాల్లో పోచమ్మ, మైసమ్మ, దుర్గమ్మ బోనాల పండుగ జరిగింది.
పాతరాజంపేటలో ఉత్సవాల్లో కామారెడ్డి ఎమ్మెల్యే కాటిపల్లి వెంకటరమణరెడ్డి పాల్గొని పూజలు చేశారు. సిరికొండ మండలంలోని పెద్దవాల్గోట్, సిరికొండ పలు గ్రామాల్లో పోచమ్మ పండగ ఘనంగా నిర్వహిచారు. సదాశివనగర్ మండలంలోని వజ్జపల్లి గ్రామలో పోచమ్మ అమ్మవారికి బోనాలను సమర్పించారు. ధర్పల్లిలో పోచమ్మ పండుగ ఘనంగా జరిగింది. అమ్మవారికి బోనాలు సమర్పించి మొక్కులు చెల్లించుకున్నారు.
