షాపింగ్కి వెళ్లేటప్పుడు క్రెడిట్ కార్డులు తీసుకెళ్లడం మర్చిపోతున్నారా? అలాంటప్పుడు వాటిని మొబైల్కే ఎటాచ్ చేసుకోవచ్చు కదా! బిజినెస్ పనుల మీద ఊర్లు తిరిగేటప్పుడు షేవింగ్ కిట్ వెంట తీసుకెళ్లడం ఇబ్బందిగా ఉందా? అలాంటప్పుడు ఈ మినీ షేవర్ని జేబులో వేసుకుని వెళ్తే.. సరిపోతుంది. ఇవేకాదు..
మరికొన్ని ఇంట్రెస్టింగ్ టూల్స్ అండ్ గాడ్జెట్స్ వివరాలు..
వీ మ్యాగ్
కొందరికి ఎప్పుడూ వ్యాలెట్ వెంట తీసుకెళ్లడం ఇష్టం ఉండదు. అలాంటివాళ్లు ఏటీఎం కార్డులు క్యారీ చేయడానికి ఇబ్బందులు పడుతుంటారు. వాళ్లకు ఈ వీ మ్యాగ్ బెస్ట్ టూల్. ఇది చిన్న సైజులో ఉండే క్రెడిట్ కార్డ్ హోల్డర్. దీన్ని జేబులో పెట్టుకోవచ్చు. లేదంటే ఫోన్కి వెనుక భాగంలో ఎటాచ్ చేసుకోవచ్చు. దీన్ని అల్యూమినియంతో తయారుచేశారు. చాలా స్ట్రాంగ్గా ఉంటుంది. దీని నుంచి కార్డ్స్ని ఈజీగా బయటికి తీయొచ్చు. అంతేకాదు.. దీన్ని మొబైల్కి ఎటాచ్ చేసుకుంటే.. మొబైల్ హోల్డర్గా పనిచేస్తుంది. దీనికి ఉండే టూల్ స్క్రూ డ్రైవర్లా పనిచేస్తుంది. ఇందులో చిన్న సైజు నైఫ్, బాటిల్ క్యాప్ ఓపెనర్ కూడా ఉన్నాయి.
ధర: సుమారు 4,000 రూపాయలు
మౌస్ రిస్ట్ సపోర్ట్
ఎప్పుడూ కంప్యూటర్ ముందు కూర్చుని పనిచేస్తుండే వాళ్లు చాలామంది ఉంటారు. అలాంటివాళ్లలో కొందరు పదే పదే మౌస్ కదిలిస్తుండడం వల్ల మణికట్టు భాగంలో నొప్పి వస్తుంటుంది. అందుకే రిస్ట్ స్టెయిన్ కాకుండా ఉండేందుకు సపోర్టర్ని వాడితే సరిపోతుంది. మౌస్ రిస్ట్ సపోర్టర్లను చాలా కంపెనీలు మార్కెట్లోకి తీసుకొచ్చాయి. క్వాలిటీని బట్టి ధర ఉంటుంది.
ధర: 600 నుంచి 1500 రూపాయలు
కీ హోల్డర్
చాలామంది ఒకటి కంటే ఎక్కువ తాళం చెవులను క్యారీ చేస్తుంటారు. అలాంటివాళ్లకు ఈ షీల్డ్ఎక్స్ బాగా పనికొస్తుంది. ఇది చూడ్డానికి చిన్న గాడ్జెట్లా ఉంటుంది. దీనికి కీలని ఎటాచ్ చేసి పెట్టుకుంటే సరిపోతుంది. 8 నుంచి 10 తాళం చెవులను ఎటాచ్ చేసి పెట్టుకోవచ్చు. దీన్ని ఏరోస్పేస్ అల్యూమినియం, కార్బన్ ఫైబర్తో తయారు చేస్తారు. కంపార్ట్‌‌‌‌మెంట్ చాలా కాంపాక్ట్గా ఉంటుంది. కీస్ని ఫ్లిక్ మోషన్‌‌‌‌తో యాక్సెస్ చేయొచ్చు. దీనికి కీలను ఎటాచ్ చేయడం కూడా చాలా ఈజీ.
ధర: సుమారు 2,000 రూపాయలు
ఎన్చెన్
బిజినెస్ ట్రిప్పులు, మీటింగ్లు.. అంటూ ఎప్పుడూ ట్రావెల్ చేసేవాళ్లు చాలామంది ఉంటారు. వాళ్లు ఎప్పుడూ ఎక్కువ లగేజీ క్యారీ చేయడం కుదరకపోవచ్చు. అలాంటివాళ్ల కోసం మార్కెట్లో మినీ ట్రావెలర్ ఎలక్ట్రిక్ షేవర్లు అందుబాటులో ఉన్నాయి. ఎన్చెన్ కంపెనీ తీసుకొచ్చిన ఈ షేవర్ని ఫుల్ ఛార్జ్ చేయడానికి 60 నిమిషాలు పడుతుంది. తిరిగి 60 నిమిషాల వరకు వాడుకోవచ్చు. ఇది చాలా చిన్నగా ఉంటుంది. జేబులో పెట్టుకుని కూడా ట్రావెల్ చేయొచ్చు. ఇది సీల్డ్ బాడీతో వస్తుంది. కాబట్టి నేరుగా ట్యాప్ కింద కడిగి క్లీన్ చేసుకోవచ్చు. ఇందులో చాలా షార్ప్గా ఉండే క్లోవర్ బ్లేడ్ ఉంటుంది. హైస్పీడ్ మోటారుతో పనిచేస్తుంది.
ధర: 699 రూపాయలు
