సౌకర్యంగా, స్టైల్గా ఉండే హ్యాండ్బ్యాగ్స్ ఇప్పుడు లగ్జరీ ఐటమ్స్‌‌గా మారిపోయాయి. సెలబ్రిటీల చేతుల్లో స్టేటస్‌‌కు సింబల్‌‌గా ఉంటున్నాయి. వేలు, లక్షలు కాదు. ఒక్కో హ్యాండ్బ్యాగ్ కోట్ల రూపాయల ధర పలుకుతోంది. వీటిలో చాలావరకు లగ్జరీ హ్యాండ్బ్యాగ్స్కి పేరొందిన ‘హెర్మెస్’ కంపెనీ తయారుచేసినవే. మార్కెట్లో ఉన్న అత్యంత ఖరీదైన హ్యాండ్‌‌బ్యాగ్స్‌‌లో కొన్ని.
పర్వ మీ ధర 52 కోట్లు
ప్రస్తుతం మార్కెట్లో ఉన్న వాటిలో అత్యంత ఖరీదైన హ్యాండ్బ్యాగ్ ఇదే. దీనిపేరు ‘పర్వ మీ’. లగ్జరీ హ్యాండ్బ్యాగ్లకు కేరాఫ్ అయిన ‘బొవరినీ మిలనేసి’ అనే ఇటాలియన్ కంపెనీ దీన్ని తయారుచేసింది. మెరుస్తున్న అలిగేటర్ స్కిన్ (మొసలి చర్మం) అలంకరణ, ప్లాటినంతో రూపుదిద్దిన పది సీతాకోకచిలుకలు (వీటిలో నాలుగింటిని డైమండ్, మూడింటిని నీలమణి, పచ్చలు పొదిగి, మిగతా వాటిని నీలి, ఆకుపచ్చ రంగులు ఉన్న రాళ్లతో తయారు చేశారు), డైమండ్ ఆకారంలోని క్లస్ప్ ఈ బ్యాగ్కి కొత్తదనం తెచ్చాయి. ప్లాస్టిక్ వేస్ట్ నుంచి సముద్రాల్ని కాపాడాలనే అవేర్నెస్ కల్పించడం కోసం ఈ హ్యాండ్బ్యాగ్ని మార్కెట్లోకి తెచ్చారు.
మౌవాడ్ 1001నైట్స్ డైమండ్ పర్స్
28 కోట్లకు పైగా ధర పలికే ఈ హ్యాండ్బ్యాగ్ ప్రపంచంలోనే అత్యంత ఖరీదైన హ్యాండ్పర్స్ల్లో ఒకటి. విలువైన పర్స్గా కిందటి ఏడాది గిన్నిస్ రికార్డుల్లోకి ఎక్కింది కూడా. హార్ట్ షేప్లో ఉన్న ఈ పర్స్ని 18 క్యారెట్ల బంగారం, 4,517 వజ్రాలతో తయారుచేశారు.
హెర్మెస్ కెల్లీ రోస్ గోల్డ్ బ్యాగ్
ఇది ప్రపంచంలోని లగ్జరీ బ్యాగుల్లో మూడోది. ఫ్రెంచ్ ఫ్యాషన్ డిజైనర్ పియెర్రె హార్డీ ఈ బ్యాగ్ని డిజైన్ చేశాడు. రోస్ గోల్డ్ డాట్స్ స్పష్టంగా కనిపించే ఈ బ్యాగ్ని 1160 డైమండ్స్తో తయారుచేశాడు. రోజ్గోల్డ్ని క్రొకొడైల్ లెదర్లా కనిపించేలా మలిచిన ఈ బ్యాగ్ ఖరీదు 14 కోట్ల 90 లక్షల పైనే.
బిర్కినీ బ్యాగ్
ఫ్యాషన్ ప్రియుల్ని ఆకట్టుకుంటున్న బిర్కినీ బ్యాగ్ ధర10 కోట్ల మీదే. ఈ హ్యాండ్బ్యాగ్ అవుటర్ లేయర్పై రెండు వేల వజ్రాల్ని పొదిగారు. బ్యాగు మధ్యలో ముత్యం సైజ్లో ఉన్న8 క్యారెట్ల డైమండ్ని దుస్తులకు ఆభరణంగా పిన్ చేసుకోవచ్చు కూడా. అలాగే, వజ్రాలతో తయారుచేసిన హ్యాండ్బ్యాగ్ స్ట్రాప్ని బ్రేస్లెట్, నెక్లెస్గా పెట్టుకోవచ్చు.
