- మెట్రో జోన్ పరిధిలోని నాలుగు
- సర్కిల్స్లో పనులకు సర్కారు ఆమోదం
హైదరాబాద్, వెలుగు: హైదరాబాద్ మెట్రో జోన్ పరిధిలోని నాలుగు సర్కిల్స్లో అండర్ గ్రౌండ్ కరెంట్ పనులు చేయడానికి రూ.4,051 కోట్ల పరిపాలన పరమైన అనుమతులు జారీ చేస్తూ శనివారం రాష్ట్ర ప్రభుత్వం ఉత్తర్వులు జారీ చేసింది. ప్రాజెక్ట్ ఫస్ట్ ఫేజ్లో భాగంగా బంజారా హిల్స్, సికింద్రాబాద్, హైదరాబాద్ సెంట్రల్, హైదరాబాద్ సౌత్ సర్కిల్స్ పరిధిలో పనులు చేపట్టాలని ఆదేశించింది. మెట్రో జోన్‌‌లోని ఓవర్‌‌హెడ్ లైన్‌‌ను భూగర్భ కేబుల్‌‌గా మార్చాలని టీజీ ఎస్పీడీసీఎల్ నుంచి డీపీఆర్తో కూడిన నివేదిక ఇది వరకే ప్రభుత్వానికి అందింది. హైదరాబాద్ ప్రాంతంలోని మెట్రో జోన్ పరిధిలో ఇండస్ట్రీస్ ఏర్పాటుకు ఇతర పెట్టుబడులను ఆకర్షించడంలో అండర్ గ్రౌండ్ కరెంట్ సప్లయ్ ఎంతగానో ఉపయోగపడుతుందని తెలియచేసింది.
తద్వారా రాష్ట్ర ఆర్థికాభివృద్ధికి ఇది దోహద పడుతుందని తెలిపారు. దీంతో నాలుగు సర్కిల్స్ పరిధిలో ప్రధాన రహదారులపై ఉన్న 180 కి.మీ. పరిధిలో 33 కేవీ (హెచ్డీడీ) లైన్, 2,396 కి.మీ. పరిధిలోని 11 కేవీ (హెచ్డీడీ) లైన్, 73 కి.మీ. 33, 11 కేవీ, 24 కి.మీ. ఎల్టీ లైన్, 1407 కి.మీ 11 కేవీ ఎల్టీ లైన్, 825 కి.మీ మెయిన్ రోడ్స్ పరిధిలోని ఎల్టీఓహెచ్ లైన్లు, 6,251 ఎల్టీ ఓహెచ్, ఎల్టీ ఏబీలు, 14,051 ఆర్ఎంయూలు, 3,899 కి.మీ. దూరం ఓఎఫ్సీ కేబుల్ అండర్గ్రౌండ్లో ఏర్పాటు చేయడానికి రూ.4,051 కోట్లు మంజూరు చేస్తూ ప్రభుత్వం జీవో జారీ చేసింది. ఎస్ఎస్ఆర్ రేట్ల ప్రకారం పనులు చేసుకోవచ్చని ప్రభుత్వం అనుమతించింది. టెలికాం, ఇంటర్నెట్ సర్వీస్ ప్రొవైడర్లు, టీ ఫైబర్ భాగస్వామ్యంతో భూగర్భ కేబులింగ్ ఖర్చులను పంచుకోవచ్చని, ప్రాజెక్ట్ వర్క్ కోసం నిధుల సేకరణకు డిస్కం అంతర్గత నిధులు ఉపయోగించుకోవచ్చని తెలిపింది.
