- జూబ్లీహిల్స్ నీరూస్, నాంపల్లిలో ఫర్నిచర్ షాపు సీజ్
- రూల్స్పాటించకపోవడంతో హైడ్రా చీఫ్ యాక్షన్
- కరెంట్ కట్ చేసి మూత.. అన్సేఫ్ అంటూ బోర్డులు ఏర్పాటు
హైదరాబాద్ సిటీ, వెలుగు: ఫైర్ సేఫ్టీ రూల్స్పాటించని షాపులపై హైడ్రా కొరఢా ఝులిపించింది. నాంపల్లిలోని బచ్చాస్ ఫర్నిచర్ షోరూంలో జరిగిన అగ్ని ప్రమాద ఘటనల్లాంటివి పునరావృతం కాకుండా షాపులు, కాంప్లెక్స్లు, మాల్స్, షోరూమ్స్లలో గురువారం హైడ్రా కమిషనర్రంగనాథ్ ఆధ్వర్యంలో తనిఖీలు చేశారు. ఇందులో హైడ్రాతో పాటు ఫైర్, జీహెచ్ఎంసీ, విద్యుత్ శాఖల అధికారులు పాల్గొన్నారు.
జూబ్లీహిల్స్ రోడ్నంబర్36 లోని నీరూస్ షోరూంను చెక్చేయగా పైన అదనంగా రూఫ్ షెడ్డు వేసి బట్టల గో డౌన్లా వాడడంపై సీరియస్ అయ్యారు. మొత్తం ఐదంతస్తుల్లో గోదాముల మాదిరిగా స్టాక్ ఉంచడంపై రంగనాథ్ఆగ్రహం వ్యక్తం చేశారు. అసలు షాపుకు ఫైర్ ఎన్వోసీ, ఫైర్ ఎక్ట్సింగ్విషర్ (మంటలను ఆర్పేది) కూడా సరిగ్గా లేవని తెలుసుకున్నారు. దీంతో కరెంట్సరఫరా నిలిపివేసి సీజ్చేయాలని ఆదేశించారు. ఫైర్ అన్ సేఫ్ అని షోరూమ్ ముందు బోర్డు పెట్టారు. లోపలకి వెళ్లేందుకు వీలు లేకుండా ఫెన్సింగ్ వేశారు.
నాంపల్లిలోనూ యాక్షన్
నాంపల్లిలోని బచ్చాస్ ఫర్నిచర్ షోరూంలో ఐదు రోజుల క్రితం అగ్ని ప్రమాదం జరగ్గా..సరిగ్గా అదే రోడ్డులోని షాపులు ఇప్పటికీ రూల్స్పాటించకపోవడంపై రంగనాథ్ఫైరయ్యారు. తనిఖీల్లో భాగంగా నాంపల్లి స్టేషన్ రోడ్డులోని రహీమ్ అండ్ మన్నన్ ఎస్టేట్స్ స్టాండర్డ్ ఫర్నిచర్ దుకాణాన్ని చెక్చేశారు. ఈ బిల్డింగ్ఆరంతస్తులుండగా సెల్లార్తో పాటు మొత్తం అన్ని అంతస్తుల్లో భారీగా ఫర్నిచర్ స్టోర్ చేశారు.
మెట్ల దారిని కూడా మూసేసి స్టాక్ పెట్టారు. దీంతో ఎంత చెప్తున్నా ఎందుకు పట్టించుకోవడం లేదని కమిషనర్ ఆగ్రహం వ్యక్తం చేశారు. ఫైర్ ఎన్వోసీ లేకపోవడం, ఆరంతస్తుల్లో ఎక్కడా ఫైర్ ఎక్ట్సింగ్విషర్ పెట్టకపోవడంతో సీజ్చేయాలని ఆదేశించారు. దీంతో కరెంట్సరఫరా ఆపేసి సీజ్చేశారు.
నా నంబర్ 7207923085
ఎక్కడైనా ఫైర్ సేఫ్టీ రూల్స్ఉల్లంఘించినట్టు ఎవరైనా గమనిస్తే హైడ్రా కంట్రోల్ రూమ్ 9000113667తో పాటు నేరుగా తన నంబరు 7207923085 కు సమాచారం ఇవ్వాలని హైడ్రా చీఫ్రంగనాథ్ ప్రజలకు సూచించారు. సెల్లార్లలో పార్కింగ్ చేయకుండా వ్యాపార కేంద్రాలుగా మార్చడం, ఫైర్సేఫ్టీ రూల్స్పాటించకపోవడాన్ని ఇక సహించేది లేదన్నారు.
రూల్స్ పాటించని షాపు, షాపింగ్ కాంప్లెక్స్ వివరాలు, ఏ ప్రాంతంలో ఉన్నది స్పష్టంగా పేర్కొంటూ వాట్సాప్ ద్వారా, ఫొటోలు, వీడియోలు పంపాలని సూచించారు. Commissioner Hydraa పేరుతో ఉన్న ఎక్స్లోనూ ఫిర్యాదు చేయవచ్చన్నారు.
