- మాకు టైం ఇయ్యలే, ఆయనకు ఇచ్చిన్రు
- కేటీఆర్ ముందు యాదయ్య కామెంట్స్
హైదరాబాద్, వెలుగు: రంజిత్రెడ్డిని కేటీఆర్ 24 గంటలు పక్కనే కూర్చోబెట్టుకున్నా ఆయన పార్టీ మారారని, ఆయన చెప్పి పోయిండో లేదో రామన్నకే తెలియాలని చేవెళ్ల ఎమ్మెల్యే కాలె యాదయ్య అన్నారు. 2014లో కొండా విశ్వేశ్వర్రెడ్డిని గెలిపిస్తే నియోజకవర్గానికి ఏమీ చేయలేదని తెలిపారు. చేవెళ్ల సన్నాహక సమావేశంలో యాదయ్య మాట్లాడారు. ‘రంజిత్ రెడ్డిని ఎక్కడి నుంచి తెచ్చారో ఏమోగానీ మీరే పట్టుకొచ్చారు. 24 గంటలు మీ పక్కనే కూర్చునేటోడు. ఎవరినీ కలవని మీరు.. ఎవరికీ సమయం ఇవ్వని మీరు.. ఆయన్ను మాత్రం పక్కన కూర్చోబెట్టుకున్నరు. అట్లాంటి వ్యక్తి పార్టీ మారి కాంగ్రెస్లో చేరారు. మళ్లా పార్టీలోకి వస్తాడా? రాడా? అన్న విషయం రామన్నకే తెలియాలి’ అని యాదయ్య వ్యాఖ్యానించారు. తాను బీఆర్ఎస్ పార్టీని వీడనన్నారు.
