ఢిల్లీ, ముంబై, బెంగళూరు లాంటి పెద్ద నగరాల కంటే హైదరాబాద్ బెస్ట్ నగరం అని ఢిల్లీకి చెందిన ఓ వ్యక్తి చేసిన వీడియో ఇంటర్నెట్లో పెద్ద చర్చకు దారి తీసింది. కెవిన్ సామ్ అనే వ్యక్తి ఇన్‌స్టాగ్రామ్‌లో ఈ వీడియోను పోస్ట్ చేశాడు. హైదరాబాద్‌కు వచ్చిన కొన్ని గంటల్లోనే తనకు కలిగిన మొదటి అభిప్రాయాన్నీ వీడియోలో చెప్పాడు.
సామ్ ఈ వీడియోలో హైదరాబాద్‌లో తిరుగుతూ కెమెరాలో మాట్లాడాడు. నా మాటలు చాలా మందిని బాధ పెట్టవచ్చు, తిట్టవచ్చు అని ఒప్పుకుంటూనే ఢిల్లీ, ముంబై, బెంగళూరులో ఏది బెస్ట్ సిటీ ? అనే ప్రశ్నకు నాకు సమాధానం దొరికింది. అదే హైదరాబాద్.
నేను హైదరాబాద్ నగరానికి వచ్చి నాలుగు గంటలు మాత్రమే అయ్యిందని, కానీ ఇప్పటికే సిటీ నన్ను ఆకట్టుకుందని ఆయన చెప్పాడు. నేను ఢిల్లీ వాసిని, ముంబై, బెంగుళూరుకి కూడా వెళ్లాను, కానీ హైదరాబాద్ కి పోటీనే లేదు అని అన్నాడు.
హైదరాబాద్‌లో నచ్చిన విషయాలను చెప్తూ.. చూడండి ట్రాఫిక్ లేదు. ఇక్కడి రోడ్లు బెంగళూరు కంటే చాలా మంచిగా ఉన్నాయి. ముంబై కంటే చాలా క్లిన్ గా ఉంది. ముఖ్యంగా, నేను ఇక్కడ నిజంగా ఊపిరి పీల్చుకోగలుగుతున్న.. గాలి స్వచ్ఛంగా ఉంది, ఇది ఢిల్లీని అధిగమించే అంశం అని అన్నారు. అలాగే ఇక్కడ ఫుడ్ కూడా బాగుంది అని అన్నారు.
ఇంటర్నెట్లో ఈ వీడియోపై నెటిజన్లు కామెంట్ల వర్షం కురిపిస్తున్నారు. ఒక నెటిజన్ హైదరాబాద్ ఇండియాలో ఉండడానికి బెస్ట్ సిటీ.. ఫుడ్ విషయంలో తిరుగులేదు అని అనగా... మరొకరు హైదరాబాద్‌ను తక్కువగా అంచనా వేశారు, కానీ ప్రజలు మెల్లమెల్లగా దాని గొప్పదనాన్ని గుర్తిస్తున్నారు అని అన్నారు.
