- జూబ్లీహిల్స్ సెగ్మెంట్ను బీఆర్ఎస్ పట్టించుకోలేదు: మంత్రి వివేక్
- బోరబండలో సీసీ రోడ్ల పనులకు శంకుస్థాపన
జూబ్లీహిల్స్, వెలుగు: జూబ్లీహిల్స్ ఉప ఎన్నికలో కాంగ్రెస్ విజయమే లక్ష్యంగా నేతలు, కార్యకర్తలు కలిసికట్టుగా పనిచేయాలని మంత్రి వివేక్ వెంకటస్వామి పిలుపునిచ్చారు. హైదరాబాద్ బోరబండ డివిజన్లో స్థానిక కార్పొరేటర్ బాబా ఫసియుద్దీన్ తో కలిసి రూ.1.50 కోట్లతో సీసీ రోడ్ల మరమ్మతు పనులకు ఆయన సోమవారం శంకుస్థాపన చేశారు. ఈ సందర్భంగా మంత్రి వివేక్ మాట్లాడారు. ‘‘కాంగ్రెస్ ప్రభుత్వం పేదల పక్షాన నిలబడి వారి ఆకాంక్షలను నెరవేర్చేందుకు సిద్ధంగా ఉంది. జూబ్లీహిల్స్ నియోజకవర్గ ప్రజలు మాకు చెప్పిన సమస్యలను పరిష్కరిస్తున్నాం. ఎన్నో అభివృద్ధి కార్యక్రమాలు చేపడుతున్నాం.
గత బీఆర్ఎస్ ప్రభుత్వం ఈ నియోజకవర్గాన్ని పట్టించుకోలేదు. బోరబండ డివిజన్లో ఇటీవల ప్రారంభించిన పనులు వేగంగా కొనసాగుతున్నాయి. ఇకపై బోరబండలో మౌలిక వసతులు మెరుగుపడతాయి’’అని మంత్రి వివేక్ అన్నారు. ఈ కార్యక్రమంలో ఇరిగేషన్ కార్పొరేషన్ చైర్మన్ విజయ్ బాబు, రాష్ట్ర మహిళా అభివృద్ధి సంస్థ చైర్పర్సన్ బండ్రు శోభారాణి, కాంగ్రెస్ లీడర్లు కాసుల మహేశ్ గౌడ్, శివ కుమార్ గుప్తా, ఆనంద్, ఇదాయత్, ఖలీల్, సుధాకర్ రెడ్డి, భూపతిరెడ్డి, బబ్లు గౌడ్ రజ్వి, యూనుస్, కవిత, లక్ష్మినాయక్, అలివేలు, శంకర్, భరత్, భాగ్యలక్ష్మి, మహేందర్ తదితరులు పాల్గొన్నారు.
