రామచంద్రాపురం, వెలుగు: నవంబర్లో రామచంద్రాపురం హైస్కూల్ వజ్రోత్సవాలను ఘనంగా నిర్వహిస్తామని ఎమ్మెల్యే మహిపాల్ రెడ్డి అన్నారు. ఈ పాఠశాల ఏర్పాటు చేసి 75 ఏళ్లు పూర్తవుతున్న సందర్భంగా బుధవారం ఆయన స్కూల్ను సందర్శించారు. వేడుకల ఏర్పాట్లపై ఎంఈవో రాథోడ్, కార్పొరేటర్ పుష్ప, పాఠశాల టీచర్లతో చర్చించారు. అనంతరం మాట్లాడుతూ.. దశాబ్దాల చరిత్ర కలిగిన ఈ స్కూల్లో వేలాది మంది విద్యనభ్యసించి వివిధ రంగాల్లో ఎదిగారని తెలిపారు.
వజ్రోత్సవాలను అట్టహాసంగా నిర్వహిస్తామని పేర్కొన్నారు. ప్రభుత్వం విద్యారంగంలో అమలు చేస్తున్న సంస్కరణలతో ప్రభుత్వ పాఠశాలల్లో ఉత్తీర్ణత శాతం పెరుగుతోందని చెప్పారు. పటాన్చెరు నియోజకవర్గాన్ని ఎడ్యుకేషనల్ హబ్గా తీర్చిదిద్దేందుకు కృషి చేస్తున్నామని, పచ్చదనం, ఆర్వో ప్లాంట్ల ఆధునీకరణకు చర్యలు తీసుకుంటున్నామని తెలిపారు. నాయకులు పరమేశ్ యాదవ్, ఐలేశ్యాదవ్ తదితరులు పాల్గొన్నారు.
త్వరలో అందుబాటులోకి బంధంకొమ్ము రోడ్డు
అమీన్పూర్, వెలుగు: చందానగర్శ్రీదేవి థియేటర్నుంచి బంధంకొమ్ము మీదుగా అమీన్పూర్ మహాత్మా గాంధీ విగ్రహం వరకు రోడ్డు విస్తరణ పనులను త్వరలోనే పూర్తి చేసి ప్రజలకు అందుబాటులోకి తీసుకువస్తామని ఎమ్మెల్యే గూడెం మహిపాల్ రెడ్డి తెలిపారు. రూ.45 కోట్లతో 150 అడుగుల విస్తరణతో జరుగుతున్న పనులను మున్సిపల్ కమిషనర్ జ్యోతిరెడ్డి, మున్సిపల్ మాజీ చైర్మన్పాండురంగారెడ్డి, అధికారులతో కలిసి బుధవారం పరిశీలించారు.
రోడ్డు విస్తరణ పనుల్లో ఎదురవుతున్న సమస్యలను పరిష్కరిస్తూ ముందుకెళ్లాలని సూచించారు. తహసీల్దార్ వెంకటేశ్, టీపీవో పవన్ కుమార్, మాజీ కౌన్సిలర్లు, నాయకులున్నారు.
