మై స్పారింగ్ పార్ట్ నర్.. కొడుకుతో మార్షల్ ఆర్ట్స్ ప్రాక్టీస్

ఎలోన్ మస్క్ ఎప్పుడూ ఏదో విషయంపై వార్తల్లో ఉంటాడన్న విషయం అందరికీ తెలిసిందే. ట్విట్టర్ ను కొనుగోలు చేసినప్పట్నుంచి పలు కీలక నిర్ణయాలు తీసుకుంటూ ట్రైండింగ్ లో నిలుస్తుంటాడు. ఎప్పుడూ తన మైక్రోబ్లాగింగ్ వెబ్‌సైట్ X (గతంలో ట్విట్టర్) ఏదో ఒక మార్పు గురించి పోస్టులు చేస్తూ ఉంటాడు. రీసెంట్ గా కూడా ఆయన ఓ పోస్ట్ చేశారు. కానీ ఈ సారి కంపెనీ వ్యవహారాల గురించి కాదు. ఆయన వ్యక్తిగత జీవితానికి సంబంధించి..

టెస్లా, స్పేస్‌ఎక్స్ యజమాని తన కుమారుడు X AE A-XIIతో కలిసి ఉన్న ఓ హృదయపూర్వక చిత్రాన్ని సోషల్ మీడియాలో అప్‌లోడ్ చేశారు. ఇది తండ్రి-కొడుకుల అద్భుతమైన క్షణాన్ని చూపిస్తోంది. Xలో పోస్ట్ చేసిన ఈ ఫొటో.., టెక్ బిలియనీర్ ప్రేమగా సంబోధించుకునే తన కొడుకు 'లిల్ X'తో ఓ మనోహరమైన క్షణాన్ని పంచుకుంటున్నట్లు చూపిస్తుంది. "నా స్పారింగ్ పార్టనర్‌తో మార్షల్ ఆర్ట్స్ ప్రాక్టీస్ చేస్తున్నాను" అని మస్క్ పోస్ట్ క్యాప్షన్‌లో రాసుకువచ్చాడు. ఈ చిత్రంలో మస్క్ తన చిన్న కొడుకు Xతో ఉల్లాసభరితమైన మార్షల్ ఆర్ట్స్‌లో నిమగ్నమై ఉన్నాడు. తండ్రి, కొడుకులు ఈ ఫొటోలో సాధారణ దుస్తులు కనిపిస్తూ.. నేచురల్ గా కనిపిస్తున్నారు.

SpaceX CEO కొన్ని గంటల క్రితమే ఈ చిత్రాన్ని పంచుకున్నారు, ఇది ఇప్పటికే సోషల్ మీడియాలో చాలా మంది దృష్టిని ఆకర్షించింది. ఈ పోస్టు 23 మిలియన్ల కంటే ఎక్కువ వ్యూస్, 4 లక్షల 48 వేల లైక్‌లు, 19వేల కంటే ఎక్కువ రీపోస్ట్‌లను పొందింది. కొంతమంది యూజర్స్.. ఈ చిత్రాన్ని చూడడానికి చాలా బాగుంది అని అంటుండగా, మరికొందరు లిల్ Xని అందమైన బాలుడు అని పిలిచారు.

మస్క్ ఇటీవలే తన కొడుకు X AE A-XIIతో స్పేస్ ఎక్స్ కార్యాలయంలోనూ కనిపించాడు. దీనికి సంబంధించిన ఫొటోలు సైతం అప్పట్లో వైరల్ అయ్యాయి. 2020లో మే 4న జన్మించిన X AE A-XII.. ఎలాన్ మస్క్ భార్య గ్రిమ్స్ మొదటి కొడుకు. ఇలా కొడుకుతో స్పేస్ ఎక్స్ కార్యాలయానికి రావడం ఇదే మొదటిసారి కావడంతో అంతా ఈ ఫొటోలను చూసేందుకు ఆసక్తి కనబర్చారు. వీటిని మస్క్ తల్లి మయే మస్త్.. లేట్ ఆన్ ఎ ఫ్రైడే నైట్ అనే క్యాప్షన్ తో ట్విట్టర్ లో షేర్ చేసింది.