బంగారం, వెండి ధరలు భగ్గుమంటున్నాయి. రోజు రోజుకు అంతకంతకు పెరుగుతున్నాయి. అంతర్జాతీయంగా ఉన్న యుద్ధ వాతావరణం పరిస్థితులు బంగారం, వెండి ధరలపై ప్రభావం చూపిస్తున్నాయి. వెనిజువెలాపై అమెరికా దాడి తర్వాత.. ప్రపంచ వ్యాప్తంగా పెట్టుబడిదారుల్లో ఆందోళనలు నెలకొన్నాయి. ఈ క్రమంలోనే 2026, జనవరి 5వ తేదీన హైదరాబాద్ సిటీలో బంగారం, వెండి ధరలు ఎలా ఉన్నాయో తెలుసుకుందాం...
హైదరాబాద్ లో బంగారం ధరలు :
24 క్యారెట్ల బంగారం : గ్రాము 13 వేల 620 రూపాయలుగా ఉంది.
22 క్యారెట్ల బంగారం : గ్రాము 12 వేల 485 రూపాయలుగా ఉంది.
18 క్యారెట్ల బంగారం : గ్రాము 10 వేల 201 రూపాయలుగా ఉంది.
ఇక వెండి ధర విషయానికి వస్తే.. హైదరాబాద్ సిటీలో కిలో వెండి 2 లక్షల 55 వేల 900 రూపాయలుగా ఉంది.
స్టాక్ మార్కెట్ల తీవ్ర ఒత్తిడికి లోనవుతుంది. అప్ అండ్ డౌన్స్ ఎక్కువగా ఉన్నాయి. భారతదేశంపై మరిన్ని సుంకాలు విధిస్తానంటూ ట్రంప్ చేసిన కామెంట్ల తర్వాత మన స్టాక్ మార్కెట్ నష్టాలతో ప్రారంభం అయినా.. ఆ తర్వాత వెంటనే కోలుకుని భారీ లాభాల్లోకి వెళ్లింది. అమెరికా అధ్యక్షుడు ట్రంప్ వైఖరి ఎలా ఉండబోతుంది.. మనపై ఎలాంటి ప్రభావం చూపిస్తుంది అనే అంశాలపై పెట్టుబడిదారులు ఆచితూచి వ్యవహరిస్తున్నారు. ఈ క్రమంలోనే నికరమైన బంగారం, వెండిపై పెట్టుబడులు పెరుగుతున్నారు. దీంతో వాటి ధరలు పెరుగుతున్నాయి.
