- ది నేషనల్ అంబేద్కర్ సేన
ముషీరాబాద్, వెలుగు: ఎస్సీ ఏబీసీడీ వర్గీకరణతో రాష్ట్ర ప్రభుత్వం మాలలకు అన్యాయం చేస్తోందని ది నేషనల్ అంబేద్కర్ సేన జాతీయ అధ్యక్షుడు మన్నె శ్రీధర్ రావు ఆవేదన వ్యక్తం చేశారు. వర్గీకరణను నిరసిస్తూ శుక్రవారం ఇందిరాపార్క్ వద్ద ధర్నా చేశారు. ఈ సందర్భంగా ఆయన మాట్లాడుతూ.. రోస్టర్ పాయింట్ ను సీరియల్ ప్రకారం 22 నుంచి 16కు మార్చాలని కోరారు.
వర్గీకరణ అమలు కంటే ముందుగా విడుదలైన నోటిఫికేషన్లకు వర్గీకరణ ఎలా అమలు చేస్తారని ప్రశ్నించారు. ఈ విషయంలో ప్రభుత్వం తన వైఖరిని మార్చుకోవాలని, లేదంటే అసెంబ్లీని ముట్టడిస్తామని హెచ్చరించారు. ఆల్ ఇండియా ఎస్సీ రైట్స్ ప్రొటెక్షన్ జాతీయ అధ్యక్షుడు రాజు వస్తాద్, అంబేద్కర్ సేన రాష్ట్ర అధ్యక్షుడు తాలూకా రాజేశ్, దాసరి విశాల్, గోపోజి రమేశ్ బాబు, భాను ప్రసాద్ పాల్గొన్నారు.
