ఇబ్రహీంపట్నం, వెలుగు : పోక్సో కేసు నమోదు కావడంతో ఓ నిందితుడు భయంతో ఉరి వేసుకుని ఆత్మహత్య చేసుకున్నాడు. రంగారెడ్డి జిల్లా బాలాపూర్ మండలం అల్మాస్గూడకు చెందిన రామిడి హర్షవర్ధన్ రెడ్డి (31) కొద్ది రోజుల కింద ఓ బాలిక స్నానం చేస్తుండగా వీడియో తీశాడని ఆమె తల్లిదండ్రులు ఫిర్యాదు చేశారు.
దీంతో ఈ నెల 12న మీర్పేట్పీఎస్లో పోక్సో కేసు నమోదైంది. ఈ విషయం తెలియడంతో హర్షవర్ధన్రెడ్డి కంగారు పడ్డాడు. ఎక్కడ తనను అరెస్ట్ చేస్తారో అనే భయంతో బుధవారం తుర్కయంజాల్ లోని రాఘవేంద్ర కాలనీలో సోదరి ఇంటికి వెళ్లాడు.
అక్కడే ఓ గదిలో ఫ్యాన్కు ఉరి వేసుకొని ఆత్మహత్య చేసుకున్నాడు. కేసు నమోదు చేసి దర్యాప్తు చేస్తున్నామని ఆదిభట్ల ఎస్సై సైదయ్య తెలిపారు.
