తెలంగాణ వ్యాప్తంగా రాష్ట్రంలో ఇవాళ పలు చోట్ల వర్షాలు కురిసే అవకాశం ఉందని వాతావరణ సూచనలు చెబుతున్నాయి. ముఖ్యంగా ఉత్తర తెలంగాణ జిల్లాల్లో వానలు పడే ఛాన్స్ ఎక్కువగా ఉంది. ఉదయం, సాయంత్రం సమయాల్లో తేలికపాటి వర్షాలు కురుస్తాయని అంచనా వేస్తున్నారు.
ఆదిలాబాద్, కొమరంభీం ఆసిఫాబాద్, నిర్మల్ జిల్లాల్లో అక్కడక్కడా వానలు పడవచ్చు. అలాగే రాజన్న సిరిసిల్ల, కరీంనగర్, పెద్దపల్లి, కామారెడ్డి జిల్లాల్లోనూ వర్షాలు కురిసే అవకాశం ఉంది. మధ్యాహ్నం తర్వాత సంగారెడ్డి, వికారాబాద్ జిల్లాల్లో వర్షాలు మొదలయ్యే సూచనలు కనిపిస్తున్నాయి.
మరోవైపు రంగారెడ్డి, నాగర్ కర్నూల్ జిల్లాల్లోనూ వానలు విస్తరించే ఛాన్స్ ఉంది. సిద్దిపేట, జనగామ, హన్మకొండ, వరంగల్ జిల్లాల ప్రజలు కూడా ఇవాళ వర్ష సూచనను గమనించాల్సి ఉంటుంది. ఇక రాజధాని హైదరాబాద్ విషయానికి వస్తే.. నగరంలో ఆకాశం మేఘావృతమై ఉండి, సాయంత్రం వేళల్లో తేలికపాటి నుంచి మోస్తరు వర్షాలు పడే అవకాశం ఉంది.
