రేగోడ్, వెలుగు: పేకాట స్థావరంపై శనివారం రాత్రి పోలీసులు రైడ్ చేసి 19 మందిని అదుపులోకి తీసుకున్నారు. ఆదివారం సీఐ రేణుక రెడ్డి రేగోడు పీఎస్లో మీడియాకు వివరాలు వెల్లడించారు. హైదరాబాద్, పటాన్చెరు, శంకర్పల్లి, జనవాడ, చేవెళ్ల, అల్వాల్ ప్రాంతాలకు చెందిన యువకులు మండల పరిధిలోని కొండాపూర్ గ్రామ శివారులో ఓ షెడ్డులో పేకాట ఆడుతుండగా పట్టుకున్నామన్నారు.
19 మంది యువకులపై కేసు నమోదు చేశామని, ఘటనా స్థలం నుంచి రూ.2,19,000 నగదు, సెల్ ఫోన్లు , కారు, ఆటో, బైక్ స్వాధీనం చేసుకుని కేసు నమోదు చేసినట్టు వివరించారు. పేకాట ఆడుకోవడానికి సహకరించిన వ్యక్తులపై కూడా కేసు నమోదు చేస్తామన్నారు. ఆమె వెంట ఎస్ఐ పోచయ్య ఉన్నారు.
