మహదేవపూర్(కాటారం), వెలుగు: మేడిపల్లి టోల్ ప్లాజా వద్ద నిబంధనలకు విరుద్ధంగా వాహనదారుల నుంచి టోల్ఫీజు వసూలు చేస్తున్నారని కాటారం రెంటల్ కార్ఓనర్లు ఆరోపించారు. గురువారం టోల్ ప్లాజా వద్ద నేషనల్ హైవేపై కార్లను అడ్గుగా పెట్టి, నిరసన తెలిపారు. దీంతో 2 కిలోమీటర్ల మేర నిలిచిపోయాయి. పోలీసులు వచ్చి, టోల్ ప్లాజా నిర్వాహకులతో మాట్లాడుతామని హామీ ఇవ్వడంతో ఆందోళన విరమించారు.
అనంతరం వారు మాట్లాడుతూ.. తాము ఒక రోజులో రెంట్పై పలుమార్లు టోల్ ప్లాజాను క్రాస్ చేయాల్సి వస్తుందని, ప్రతీసారి టోల్ చెల్లించాలంటే ఎలా అని ఆవేదన వ్యక్తం చేశారు. నేషనల్ హైవే నిర్మించిన టోల్ ప్లాజాకు చుట్టుపక్కల ఉన్న గ్రామాల వాహనదారులకు టోల్నుంచి మినహాయింపు ఇవ్వాల్సి ఉన్నప్పటికీ నిర్వాహకులు దౌర్జన్యంగా వసూలు చేస్తున్నారని ఆరోపించారు. మంత్రి శ్రీధర్ బాబు స్పందించి, తమకు న్యాయం చేయాలని కోరారు.
