- తక్కువ కోట్ చేసిన వారికే పనులు
- రాష్ట్ర భవిష్యత్ అవసరాలకు తగ్గట్టు ఎనర్జీ పాలసీ
- వచ్చే పదేండ్లలో 62,656 ఎంయూల విద్యుత్ లోటు
- గ్రీన్ ఎనర్జీ పాలసీ ప్రకారం థర్మల్ విద్యుత్ 50% దాటొద్దు
- పవర్ పాయింట్ ప్రజెంటేషన్లో డిప్యూటీ సీఎం భట్టి వెల్లడి
హైదరాబాద్, వెలుగు: ఎక్కడ అగ్గువకు కరెంట్ దొరికితే అక్కడి నుంచే కొని రాష్ట్ర అవసరాలకు ఉపయోగిస్తామని డిప్యూటీ సీఎం భట్టి విక్రమార్క స్పష్టం చేశారు. థర్మల్ విద్యుత్ ప్లాంట్ల ఏర్పాటుకు గ్లోబల్ టెండర్లు పిలుస్తామన్నారు. ఎవరు తక్కువకు కోట్ చేస్తే వారికే పనులు అప్పగిస్తామని తేల్చిచెప్పారు. రాష్ట్ర భవిష్యత్ అవసరాలకు తగ్గట్టుగానే ఎనర్జీ పాలసీ ఉంటుందన్నారు.
శనివారం ప్రజా భవన్లో మంత్రులు శ్రీధర్బాబు, పొన్నం ప్రభాకర్తో కలిసి డిప్యూటీ సీఎం భట్టి విక్రమార్క విద్యుత్ శాఖ భవిష్యత్ పాలసీపై 58 నిమిషాల పాటు పవర్పాయింట్ ప్రజెంటేషన్ ఇచ్చారు. సెంట్రల్ ఎనర్జీ అథారిటీ(సీఈఏ), ప్రస్తుత రాష్ట్ర అవసరాలు, 2047 నాటికి మూడు ట్రిలియన్ల ఎకానమీ లక్ష్యంగా చేపట్టబోయే భవిష్యత్ ప్రణాళికలను అనుసరిస్తూ మూడు రకాల విద్యుత్ అవసరాలపై పీపీటీ ఇచ్చారు. వచ్చే పదేండ్లలో 62,656 ఎంయూల విద్యుత్ లోటు ఉంటుందని, గ్రీన్ ఎనర్జీ పాలసీ ప్రకారం థర్మల్ విద్యుత్ 50 శాతం దాటొద్దని తెలిపారు.
గ్లోబల్ హబ్గా మారుతున్న రాష్ట్రం
సీఎం రేవంత్ నాయకత్వంలో ప్రజాప్రభుత్వం చేపడుతున్న పలు అభివృద్ధి పథకాలతో తెలంగాణ రాష్ట్రం గ్లోబల్ హబ్గా మారుతున్నదని డిప్యూటీ సీఎం భట్టి అన్నారు. ప్రపంచంలో అత్యంత అభివృద్ధి చెందిన దేశాలతో పోటీపడే స్థాయిలో తెలంగాణకు బలమైన పునాదులు వేస్తూ ఈ సమయంలోనే అందుకు తగ్గట్టు విద్యుత్తు ప్రణాళికలను తయారు చేశామన్నారు. ప్రపం చంలోని వివిధ దేశాల్లో తలసరి విద్యుత్ వినియోగానికి తగ్గట్టు తెలంగాణలో కూడా తలసరి విద్యుత్ వినియో గం పెంచేలా ముందుకు వెళుతున్నామని తెలిపారు.
రాష్ట్ర ఆర్థిక వృద్ధికి విద్యుత్ వెన్నెముకవంటిదని ఆయన పేర్కొన్నారు. దేశంలో అత్యధిక విద్యుత్ డిమాండ్ పెరుగుదల గల రాష్ట్రాల్లో తెలంగాణ ఒకటి అని చెప్పారు. గత దశాబ్దంలో సగటు వార్షిక వృద్ధిరేటు సుమారు 9.77%గా నమోదు కాగా తదుపరి దశాబ్దంలో పీక్ డిమాండ్ రెండింతలు అవుతుందని అంచనా వేశామన్నారు. రాష్ట్రంలో ప్రజా ప్రభుత్వం అధికారంలోకి వచ్చాక గతంలో కంటే ఒకేసారి 10 శాతం విద్యుత్ డిమాండ్ పెరిగిందని ప్రకటించారు.
2047 నాటికి 3 ట్రిలియన్ జీడీపీ లక్ష్యాన్ని చేరాలంటే రాష్ట్ర ఆర్థిక వ్యవస్థకు ఏటా 13% వృద్ధి, విద్యుత్ డిమాండ్‌‌‌‌కు ఏటా 10% వృద్ధి సాధించాల్సిన అవసరం ఉందన్నారు. తద్వారా పీక్ పవర్ డిమాండ్ ఎనిమిది రెట్లు పెరుగుతుందని ఆయన పేర్కొన్నారు.
థర్మల్ ప్లాంట్ల ఏర్పాటుకు గ్లోబల్ టెండర్లు
గ్రిడ్‌‌‌‌ను స్థిరంగా ఉంచటానికి థర్మల్ పవర్ కూడా తప్పనిసరి అని డిప్యూటీ సీఎం పేర్కొన్నారు. పునర్విని యోగం మాత్రమే సరిపోదని థర్మల్ పవర్ బేస్‌‌‌‌లోడ్ లేకపోతే గ్రిడ్ కుప్పకూలిపోయి రాష్ట్రం అంధకారం అవుతుందన్నారు. 2025 ఏప్రిల్లో స్పెయిన్, పోర్చుగల్, పారీస్ గ్రిడ్ కుప్పకూలి బ్లాక్ అవుట్ కావడంతో అక్కడ భారీ ఎత్తున నష్టం జరిగిందని గుర్తుచేశారు. రాష్ట్రంలో అలాంటి పరిస్థితులు వచ్చి గ్రిడ్ కుప్పకూలితే రోజుకు రూ.1,500 కోట్ల నుంచి 2 వేల కోట్ల నష్టం వాటిల్లుతుందన్నారు.
జాతీయ లక్ష్యాలకు తగ్గట్టు గ్రిడ్ ను రక్షించడానికి రాష్ట్రంలో కొత్తగా 5, 6 వేల మెగావాట్ల థర్మల్ పవర్ సామర్థ్యాన్ని పెంచాల్సిన అవసరం ఉందన్నారు. అందుకే రామగుండం థర్మల్ ప్రతిపాదన వ్యూహాత్మకంగా చాలా కీలకమని ఆయన పేర్కొన్నారు. రాష్ట్రంలో నిర్మించబోయే థర్మల్ పవర్ ప్రాజెక్ట్ల కోసం గ్లోబల్ టెండర్లు పిలుస్తామని చెప్పారు. ఎన్టీపీసీ, జెన్కో, పీపీఏలు ఎవరైనా తక్కువకు కోట్ చేస్తే వారికే పనులు అప్పగిస్తామని ఆయన ప్రకటించారు.
ఎక్కడ అగ్గువకు దొరికితే అక్కడి నుంచి కరెంట్ కొని ప్రజా అవసరాలకు ఉపయోగిస్తామని స్పష్టం చేశారు. రాష్ట్రంలో 2014లో పవర్ డిమాండ్ 6,755 మెగావాట్లు ఉండగా.. 2025 నాటికి 17,162 మెగావాట్లకు పెరిగిందన్నారు. 2026 నాటికి 18,825 మెగావాట్లకు, 2035 నాటికి 48,827 మెగావాట్లకు పెరుగుతుందనే అంచనాలున్నాయని ఆయన తెలిపారు. 2025 నుంచి ఏటా 8.50 శాతం పెరుగుద‌‌‌‌ల‌‌‌‌తో 2047 నాటికి ఏటా 10 శాతం మేర గ్రోత్ రేట్ ఉండ‌‌‌‌వ‌‌‌‌చ్చనే అంచనాలున్నాయని చెప్పారు.
గ్రీన్ ఎనర్జీ ఉత్పత్తిని పెంచుతాం
పారిస్ ఒప్పందం ప్రకారం గ్రీన్ ఎనర్జీ పాలసీ తీసుకురావడానికి కేంద్ర ప్రభుత్వం జారీ చేసిన ఆర్పీవో లక్ష్యాలను రాష్ట్ర ప్రభుత్వాలు కూడా పాటించాల్సిన అవసరం ఉందని డిప్యూటీ సీఎం భట్టి గుర్తు చేశారు. గ్రీన్ ఎనర్జీ పాలసీలో భాగంగా రాష్ట్రంలో సోలార్, విండ్, హైడల్ సామర్థ్యాన్ని భారీగా పెంచి, దీర్ఘకాలంలో వ్యయాన్ని తగ్గించడం, వాతావరణ స్థిరత్వాన్ని సాధించడం లక్ష్యంగా ముందుకు సాగుతామని చెప్పారు.
ప్రభుత్వం నిర్మించే సోలార్ ప్లాంట్లు, ప్రైవేట్ పీపీఏల ద్వారా సోలార్ ఎనర్జీ ఉత్పత్తి పెంచుతామన్నారు. సోలార్ ఎనర్జీని నిల్వ చేసి పీక్ టైమ్లో వినియోగించడానికి బ్యాటరీ ఎనర్జీ స్టోరేజీ సిస్టమ్(బీఈఎస్ఎస్), పంప్డ్ స్టోరేజీ ప్లాంట్స్ (పీఎస్పీ) నిర్మాణానికి ప్రభుత్వం త్వరలోనే టెండర్లు పిలుస్తుందని ఆయన ప్రకటించా రు. గత ప్రభుత్వ నిర్లక్ష్యం కారణంగా ఇప్పటికే రాష్ట్రంలో నిర్మించాల్సిన పంప్డ్ స్టోరేజ్ ప్రాజెక్టులు లేటయ్యాయ న్నారు.
ఏపీలో పిన్నాపురంలోని పీఎస్పీ నిర్మాణం పూర్తయ్యి విద్యుత్ వినియోగం జరుగుతుందని తెలిపారు. విండ్ ఎనర్జీని కూడా దశలవారీగా విస్తరిస్తామన్నారు. 120 మీటర్ల హబ్ హైట్ వద్ద తెలంగాణకు సుమారు 25 గిగావాట్ల విండ్ పొటెన్షియల్ ఉందని, దీన్ని భవిష్యత్తు ఎనర్జీ మిక్స్‌‌‌‌లో పూర్తిగా వినియోగించడానికి ప్రణాళిక లు సిద్ధం చేస్తున్నామని భట్టి విక్రమార్క వెల్లడించారు. విద్యుత్తు వినియోగం పెరుగుదల ప్రతి సంవత్సరం 10 శాతం ఉంటుందని లెక్కలు వేసుకొని 2047 వరకు 1,39,310 మెగావాట్లకు పైగా విద్యుత్ అవసరం అవుతుం దని చెప్పారు. ప్రస్తుతం మన రాష్ట్రంలో విద్యుత్ ఉత్పత్తి సామర్థ్యం 20,754 మెగావాట్లుగా ఉందని చెప్పారు.
