పంజాగుట్ట, వెలుగు : ప్రజావాణిలో ఇచ్చిన ఫిర్యాదు గల్ఫ్లో చిక్కుకుపోయిన ఓ యువకుడికి విముక్తి కలిగించింది. నిజామాబాద్ జిల్లా నవీపేట్ మండలం బినోలా గ్రామానికి చెందిన బుద్ల పెంటాజీ అనే యువకుడు కొంతకాలం కింద దుబాయ్లో ఉపాధి కోసం వెళ్లాడు. అనివార్య కారణాలతో అక్కడ చిక్కుకుపోయిన అతడు తనను స్వదేశానికి రప్పించేలా చూడాలని కోరాడు.
పెంటాజీ తిరిగి వచ్చేలా చూడాలని కోరుతూ అతడి కుటుంబసభ్యులు సీఎం ప్రజావాణిలో అర్జీ పెట్టుకున్నారు. ప్రజావాణి అధికారులు చొరవ తీసుకుని దౌత్యకార్యాలయాన్ని సంప్రదించి అతడిని వెనక్కి రప్పించారు. దీంతో పెంటాజీ కుటుంబసభ్యులతో పాటు శుక్రవారం సీఎం ప్రజావాణి ఇంచార్జి గద్వాల విజయలక్ష్మిని కలిసి కృతజ్ఞతలు తెలిపారు.
