హసన్ పర్తి, వెలుగు: కాంగ్రెస్ ప్రభుత్వంలో వేలాది కుటుంబాలకు సొంతింటి కల నెరవేరుతుందని వర్ధన్నపేట ఎమ్మెల్యే కేఆర్ నాగరాజు అన్నారు. గ్రేటర్‌ వరంగల్ మున్సిపల్‌ కార్పొరేషన్‌ 2వ డివిజన్ పరిధిలోని వంగపహాడ్ గ్రామానికి చెందిన మరుపాక అనిత - శివ దంపతులు ఇందిరమ్మ ఇంటి నిర్మాణం పూర్తి కావడంతో శుక్రవారం గృహ ప్రవేశం చేశారు.
ఈ సందర్భంగా ఇందిరా గాంధీ, సోనియా గాంధీ, సీఎం రేవంత్ రెడ్డి, ఎమ్మెల్యే నాగరాజు ఫొటోలతొ గృహ ప్రవేశం చేయగా, కార్యక్రమానికి ఎమ్మెల్యే నాగరాజు హాజరై రిబ్బన్ కట్ చేశారు. కార్యక్రమంలో 2వ డివిజన్ అధ్యక్షుడు పొన్నాల రఘు, పీఏసీఎస్ చైర్మన్ రాజేశ్ గౌడ్, జిల్లా గ్రంథాలయ సంస్థ మాజీ డైరెక్టర్ సముద్రాల మధు తదితరులు పాల్గొన్నారు.
