- నేషనల్ మాస్టర్స్ అథ్లెటిక్స్‌‌లో రెండు గోల్డ్‌ మెడల్స్‌‌తో రికార్డు
న్యూఢిల్లీ: సాధించాలన్న తపనకు వయసు అడ్డుకాదనేందుకు నిలువెత్తు నిదర్శనంలా నిలుస్తోంది హర్యానాకు చెందిన ఓ బామ్మ. ఆమె పేరు రాంబాయి. వయసు 105 ఏండ్లు. ఈ ఏజ్‌‌లో నడవడమే కష్టం. కానీ, ఆమె ట్రాక్‌‌పై పరుగులు పెడుతూ.. తనకంటే చిన్నవాళ్లను ఓడిస్తూ ఔరా అనిపిస్తోంది. వడోదరలో జరుగుతున్న నేషనల్ ఓపెన్‌ మాస్టర్స్ అథ్లెటిక్స్‌‌లో 100మీ. స్ప్రింట్‌‌లో నేషనల్ రికార్డు టైమింగ్‌ తో (45.40 సెకండ్లు) గోల్డ్‌ నెగ్గిన రాంబాయి తాజాగా 200మీ. ఈవెంట్‌‌లోనూ బంగారు పతకం గెలిచింది. 1 నిమిషం 52.17 సెకండ్లతో రెండో గోల్డ్‌ ఖాతాలో వేసుకుంది. రాంబాయి తప్పితే ఈ టోర్నీలో 85 ఏండ్లకు మించిన వాళ్లు లేరు. ఇప్పటికే100మీ ఈవెంట్‌‌లో పోటీపడి, గోల్డ్‌ గెలిచిన ఇండియా ఓల్డెస్ట్‌ అథ్లెట్‌‌గా రాంబాయి రికార్డు సృష్టించింది. 101 ఏండ్ల వయసులో ఆమె ఈ ఘనత సాధించింది.
At 105 years, super grandma sprints new 100m record. #Rambai ran alone in #Vadodara as there was no competitor above 85 competing at the National Open Masters Athletics Championship pic.twitter.com/iCIPTOkuFt
— TOI Bengaluru (@TOIBengaluru) June 21, 2022
