లక్ష మందికి 10/10 జీపీఏ!
హైదరాబాద్, వెలుగు: టెన్త్లో ఇంటర్నల్ మార్కుల ఆధారంగా గ్రేడింగ్ ఇస్తుండటంతో ఈసారి10 గ్రేడ్ పాయింట్ యావరేజ్(జీపీఏ) పొందే స్టూడెంట్ల సంఖ్య భారీగా పెరగనుంది. 2018లో 4,768 మంది 10/10 జీపీఏ రాగా, గతేడాది 8,676 మందికి 10/10 జీపీఏ వచ్చింది. ఈ ఏడాది సుమారు లక్ష మంది స్టూడెంట్లకు 10/10 జీపీఏ వచ్చే అవకాశాలున్నాయని అధికారులు అంచనా వేస్తున్నారు. రాష్ర్టంలో 5,09,079 రెగ్యులర్ స్టూడెంట్లు పరీక్షలు రాయాల్సి ఉంది. కరోనా వ్యాప్తి నేపథ్యంలో ప్రభుత్వం పరీక్షలను రద్దు చేసి, ఇంటర్నల్ మార్కుల ఆధారంగా గ్రేడింగ్ ఇవ్వాలని సూచించింది. దీంతో అందరి దృష్టి గ్రేడ్పాయింట్లపై పడింది. ప్రైవేటు స్కూళ్ల నుంచే సగానికిపైగా స్టూడెంట్లు ఉన్నారు. ప్రైవేటు మేనేజ్మెంట్లు తమ స్కూళ్లలో చదివే ప్రతి విద్యార్థికి ఒక్కో సబ్జెక్టులో 15 నుంచి 20 వరకు ఇంటర్నల్ మార్కులు వేశాయి. మెజార్టీ స్టూడెంట్స్కు 19, 20 మార్కులు వేసినట్టు తనిఖీలు చేసిన అధికారులు చెప్తున్నారు. ఈ లెక్కన సుమారు లక్ష స్టూడెంట్స్కు 10 జీపీఏ వచ్చే చాన్స్ ఉంది. ఇది టెన్త్ ఎగ్జామ్స్ చర్రితలో రికార్డుగా మిగిలిపోనుంది.
10 రోజుల్లో రిజల్ట్స్
టెన్త్ ఫలితాలను మరో పది రోజుల్లో ఇచ్చేందుకు అధికారులు కసరత్తు చేస్తున్నారు. ప్రస్తుతం స్టూడెంట్ల ఇంటర్నల్ మార్కుల లెక్కలను పరిశీలిస్తున్నారు. ఈ క్రమంలో విద్యార్థుల పేర్లు, పుట్టిన తేదీ, ఇతర వివరాలను మరోసారి పరిశీలిస్తున్నారు. ఇంటర్నల్ మార్కులతో జీపీఏ తీయడం సులభమే అయినా, సాంకేతిక సమస్యలతో ఇబ్బందులు రాకుండా చర్యలు తీసుకుంటున్నారు. ఫలితాలను ఒకటికి రెండుసార్లు పరిశీలించి, ఎలాంటి తప్పుల్లేవని భావించాకే రిజల్ట్స్ఇవ్వనున్నట్టు అధికారులు చెప్తున్నారు. గతంలో ఇచ్చిన టెన్త్ మెమోల మాదిరిగానే ఈసారి మెమోలు ఉంటాయని, ఎలాంటి మార్కులు చేయబోమని చెబుతున్నారు.
గైడ్లైన్స్ ప్రిపేర్ అవుతున్నయ్
ఇంటర్నల్ మార్కుల ఆధారంగా స్టూడెంట్లను ప్రమోట్ చేసేందుకు విద్యాశాఖ గైడ్లైన్స్ తయారుచేస్తోంది. దీనికోసం న్యాయ నిపుణులు, అడ్వకేట్ జనరల్తోనూ అధికారులు చర్చలు జరుపుతున్నారు. భవిష్యత్లో ఎలాంటి న్యాయసమస్యలు రాకుండా ముందస్తుగా అన్ని జాగ్రత్తలు తీసుకుంటున్నారు. ఒకట్రెండు రోజుల్లో టెన్త్ ప్రమోట్ కు సంబంధించిన గైడ్ లైన్స్ను రిలీజ్ చేయనున్నట్టు సమాచారం.
For More News..
