కరోనా వైరస్‌కు భయపడి ఇప్పటికే పలు దేశాలలో ఉన్న మనవాళ్లు ఇండియాకు చేరారు. తాజాగా మలేషియాలో చిక్కుకున్న 113 మంది భారతీయులు సోమవారం రాత్రి 10:30 గంటలకు చెన్నైకి చేరుకున్నారు. కరోనా వ్యాప్తి దేశంలో పెరుగుతండటంతో భారత ప్రభుత్వం విదేశాల నుంచి వచ్చే విమానాలను నిషేధించింది. దాంతో మనవాళ్లు చాలామంది చాలా దేశాలలో చిక్కుకున్నారు. ఆ విధంగానే మలేషియాలో చిక్కుకున్న భారతీయులను ఎయిర్ ఏషియా విమానంలో చెన్నైకి తీసుకువచ్చారు. వారందరిని ఎయిర్ పోర్టులో పరీక్షించిన తర్వాత తంబారాంలో ఏర్పాటు చేసిన ఎయిర్ ఫోర్స్ క్వారంటైన్ ఫెసిలిటీకి తరలించారు. మలేషియా నుంచి వచ్చిన వారిలో 9 మందికి కరోనా లక్షణాలు ఉండటంతో వారిని ఆస్పత్రికి తరలించారు. మిగతావారిని 14 రోజుల క్వారంటైన్‌లో ఉంచుతారు. కరోనా వల్ల ఈ విధంగా మలేషియా నుంచి మనవాళ్లు ఇండియాకు రావడం ఇది మూడో బ్యాచ్.
కరోనా వైరస్ వల్ల భారతదేశంలో ఇప్పటివరకు 492 కరోనావైరస్ కేసులు నమోదుకాగా.. 9 మంది చనిపోయారు. ప్రపంచవ్యాప్తంగా 3 లక్షల 80వేల పాజిటివ్ కేసులు రాగా.. 16 వేల మందికి పైగా మరణించారు.
For More News..
