బాన్సువాడ బీఎస్సీ నర్సింగ్ కళాశాలలో కరోనా కలకలం రేపింది. కళాశాలలోని 12 మంది విద్యార్థినిలకు కరోనా పాజిటివ్ గా నిర్థరణ అయింది. దీంతో వసతి గృహం ప్రత్యేక గదుల్లో విద్యార్థులు హోమ్ క్వారెంటైన్ లో ఉన్నారు. ఈ నేపథ్యంలో సమాచారం తెలుసుకునన స్పీకర్ పోచారం శ్రీనివాస్ రెడ్డి... విద్యార్థులను పరామర్శించారు. హాస్టల్ కు వచ్చి విద్యార్థుల స్థితి గతుల గురించి ఆరా తీశారు. ఈ క్రమంలోనే ఇమ్యూనిటీ పెంచే ఆహార పదార్థాలను స్టూడెంట్స్ కు ఇవ్వాలని సిబ్బందికి సూచించారు. ప్రస్తుతం కొవిడ్ ఎఫెక్ట్ అంతగా లేదన్న ఆయన... విద్యార్థులు భయపడొద్దని తెలిపారు.
