కర్నాటక ఫారెస్ట్ అధికారులు సుమారు 12 అడుగులు ఉన్న కింగ్ కోబ్రాను నివాస ప్రాంతంలో పట్టుకున్నారు. అగుంబే గ్రామ పరిసరాల్లో సంచరిస్తున్న పెద్ద పామును బంధించి, అడవిలో వదిలారు. అగుంబే రెయిన్ఫారెస్ట్ రీసర్చ్ స్టేషన్లో ఫీల్డ్ డైరెక్టర్గా చేస్తున్న అజయ్ గిరి ఆ సర్పానికి చెందిన వీడియోను ఇన్స్టాగ్రామ్లో షేర్ చేశారు. ఇండియన్ ఫారెస్ట్ ఆఫీసర్ సుశాంత్ నందా కూడా ఆ వీడియోను షేర్ చేశారు.
ఆ పాము రోడ్డు క్రాస్ చేస్తున్నప్పుడు స్థానికులు చూశారు. 12 అడుగులు ఉన్న పెద్ద కింగ్ కోబ్రాను చూసి జనం షాక్ తిన్నారు. తర్వాత అది ఓ ఇంటి కాంపౌండ్లోకి వెళ్లి చెట్టుపైకి ఎక్కింది. గ్రామస్థులు వెంటనే అటవీ అధికారులకు సమాచారం ఇచ్చారు. వాళ్ల టీంతో అజయ్ గిరి వచ్చి పామును పట్టేశారు. ఆ తర్వాత రెస్క్యూ బ్యాగ్లోకి పంపించారు.
