- గ్రేటర్ పరిధిలో కార్గో ఏజెంట్లు కావాలి: ఆర్టీసీ
హైదరాబాద్, వెలుగు : గ్రేటర్ హైదరాబాద్ జోన్ పరిధిలో కార్గో సేవలను మరింత విస్తరించేందుకు టీజీఎస్ ఆర్టీసీ ప్లాన్చేస్తోంది. ఇందులో భాగంగా కొత్తగా మరికొంత మంది కార్గో ఏజెంట్లను నియమించాలని నిర్ణయించింది. కార్గో ఏజెంట్లుగా పనిచేసేందుకు ఆసక్తి ఉన్నవారు దరఖాస్తు చేసుకోవాలని ఆర్టీసీ డిప్యూటీ చీఫ్ ట్రాఫిక్ మేనేజర్(లాజిస్టిక్) ఎస్.మధుసూదన్సూచించారు. ఏజెంటుగా చేరేందుకు రూ.10 వేలు(నాన్ రిఫండ్) చెల్లించాల్సి ఉంటుందన్నారు.
ప్రతి పార్సిల్పై15 శాతం కమీషన్ ఇస్తామని, ఏజెంట్తప్పనిసరిగా కంప్యూటర్, ప్రింటర్కలిగి ఉండాలని చెప్పారు. ఏజెంట్లు బుక్చేసిన పార్సిల్స్ ను ఎప్పటికప్పుడు ఆర్టీసీ కార్గో బస్సు కలెక్ట్చేసుకుంటుందని స్పష్టం చేశారు. సమాచారం కోసం 91542 98781, 91529 8828, 89195 25373,98495 67204లో సంప్రదించాలని సూచించారు.
మహిళా కండక్టర్కు సన్మానం
ఫ్రెండ్లీ కండక్టర్గా పేరు పొందిన రాజేంద్రనగర్ డిపోకు చెందిన అనూపరాణిని ఆర్టీసీ ఎండీ సజ్జనార్ గురువారం సన్మానించారు. ప్రయాణికులను తన కుటుంబ సభ్యులగా ట్రీట్చేస్తూ, అంకితభావంతో పనిచేయడం గొప్ప విషయమని ప్రశంసించారు. ఆర్టీసీకి డ్రైవర్లు, కండక్టర్లే బ్రాండ్అంబాసిడర్లని తెలిపారు.
