హైదరాబాద్, వెలుగు: జీహెచ్ఎంసీ ఆఫీసుల్లో సోమవారం నిర్వహించిన ప్రజావాణికి 187 ఫిర్యాదులు అందాయి. హెడ్డాఫీసులో నిర్వహించిన కార్యక్రమానికి 67 ఫిర్యాదులు రాగా, చార్మినార్ జోన్లో 6, సికింద్రాబాద్ జోన్ లో 17, కూకట్ పల్లి జోన్ లో 58, ఖైరతాబాద్ జోన్లో 4, ఎల్బీనగర్ జోన్ లో 17, శేరిలింగంపల్లి జోన్ లో 18 ఫిర్యాదులు వచ్చాయి. ఈ సందర్భంగా కమిషనర్ రోనాల్డ్ రోస్ మాట్లాడుతూ... ప్రజావాణికి వచ్చిన ఫిర్యాదులకు ప్రాధాన్యం ఇవ్వాలని చెప్పారు. టౌన్ ప్లానింగ్ విభాగానికి ఎక్కువ ఫిర్యాదులు వచ్చాయన్నారు. హెడ్డాఫీసులో నిర్వహించిన ప్రజావాణిలో కమిషనర్తోపాటు ఈఎన్ సీ జియాఉద్దీన్, సీఈ దేవానంద్, చీఫ్ సిటీ ప్లానర్ రాజేంద్రప్రసాద్ నాయక్, అడిషనల్ కమిషనర్లు నళిని పద్మావతి, చంద్రకాంతరెడ్డి, గీతామాధురి, ఈఎం హెచ్ వో డాక్టర్ పద్మజ తదితరులు పాల్గొన్నారు.
