భద్రాచలం, వెలుగు : మార్చి నెలలో భద్రాచలం సీతారామచంద్రస్వామిని 2, 15, 450 మంది భక్తులు దర్శించుకున్నారు. మార్చి 25న అత్యధికంగా 14, 304 మంది, 5న అత్యల్పంగా 3958 మంది భక్తులు దర్శించుకున్నట్లు ఈవో ఎల్.రమాదేవి సోమవారం ఒక ప్రకటనలో వివరించారు.
రామయ్యకు సోమవారం ముత్తంగి సేవ నిర్వహించారు. బేడా మండపంలో నిత్య కల్యాణం నిర్వహించారు. సాయంత్రం దర్బారు సేవ జరిగింది. భక్తులు అధిక సంఖ్యలో పాల్గొని తీర్ధప్రసాదాలు స్వీకరించారు.
