వాషింగ్టన్: టెక్నాలజీ, సైన్స్ రంగాల్లో సరికొత్త ఆవిష్కరణలు చేసిన ఇద్దరు ఇండో అమెరికన్లకు యూఎస్ అత్యుత్తమ పురస్కారాలు దక్కాయి. అశోక్ గాడ్గిల్ కు ‘నేషనల్ మెడల్ ఫర్ టెక్నాలజీ అండ్ ఇన్నోవేషన్’, సుబ్రా సురేశ్కు ‘నేషనల్ మెడల్ ఆఫ్ సైన్స్’ అవార్డులు వరించాయి. అశోక్ గాడ్గిల్, సుబ్రా సురేశ్ను వైట్హౌస్లో అమెరికా అధ్యక్షుడు జో బైడెన్ పురస్కారాలతో సత్కరించారు.
డ్రింకింగ్ వాటర్ టెక్నాలజీ, శక్తివంతమైన స్టౌవ్లు, సమర్థవంతమైన ఎలక్ట్రిక్ లైట్లను అశోక్ గాడ్గిల్ ఆవిష్కరించారు. ప్రపంచ వ్యాప్తంగా పరిష్కారానికి నోచుకోని ఎన్నో సమస్యలకు దారి చూపారు. దీని కోసం అయ్యే ఖర్చు కూడా చాలా తక్కువ. ప్రజలకు జీవనాధార వనరులు అందించినందుకు అమెరికన్ గవర్నమెంట్ అశోక్ గాడ్గిల్ను ‘నేషనల్ మెడల్ ఫర్ టెక్నాలజీ అండ్ ఇన్నోవేషన్’ అవార్డుతో సత్కరించింది.
గాడ్గిల్ చేసిన ఆవిష్కరణలు 10 కోట్లకు పైగా ప్రజలకు ఉపయోగపడ్డాయి. ఇక, సైన్స్ రంగంలో సేవలు అందించినందుకు గాను సుబ్రా సురేశ్కు ఆ కేటగిరిలో అమెరికా అత్యున్నత పురస్కారంతో సన్మానించింది. ఇంజినీరింగ్, ఫిజికల్ సైన్స్, లైఫ్ సైన్స్ రంగాల్లో సురేశ్ సరికొత్త ఆవిష్కరణలు చేశారు. ముఖ్యంగా మెటీరియల్ సైన్స్ అధ్యయనానికి గాను ఈ గుర్తింపు దక్కింది. అశోక్ గాడ్గిల్, సుబ్రా సురేశ్ ఇద్దరూ ముంబైకి చెందినవాళ్లే కావడం విశేషం.
