దిగ్గజ పారిశ్రామికవేత్త ఎలాన్ మస్క్ ట్విటర్ను కొనుగోలు చేసిన విషయం తెలిసిందే. కాగా తనకు ట్విటర్లో 24,700 మంది సబ్‌స్క్రైబర్‌లు ఉన్నారని, వారు ఒక్కొక్కరు నెలకు 4 డాలర్ల చొప్పున తనకు చెల్లిస్తున్నారని మస్క్ ఏప్రిల్ 26న వెల్లడించారు. ఇందుకు సంబంధించిన స్క్రీన్షాట్ని ఆయన సోషల్ మీడియాలో షేర్ చేశారు. దీంతో ట్విటర్ సీఈవో ఏటా సుమారు 1.2 మిలియన్ డాలర్లు ఆర్జిస్తున్నట్టు ఇన్వెస్టర్ అలెక్స్కోహెన్ ట్వీట్ చేశారు. అంటే మస్క్ తన చందాదారుల ద్వారా నెలకు కనీసం రూ.81 లక్షలు సంపాదిస్తున్నారు. లాంగ్ ఫారమ్ టెక్స్ట్, లాంగ్ లెంగ్త్ వీడియోల వంటి వారి కంటెంట్‌కి యాక్సెస్ కోసం ఛార్జ్ చేయడానికి వినియోగదారులను అనుమతిస్తామని ఏప్రిల్ ప్రారంభంలో ట్విటర్ తెలిపింది. వచ్చే 12 నెలలు ట్విటర్ వినియోగదారులు మానిటైజ్ అయ్యే కంటెంట్ నుంచి సంపాదిస్తారని మస్క్ చెప్పారు. ప్లాట్ఫాంలో సృష్టికర్తల పనిని ప్రోత్సహించడంలో కూడా కంపెనీ సహాయం చేస్తుందని టెక్ బిలియనీర్ పేర్కొన్నారు.
