ఖమ్మం టౌన్, వెలుగు: ఖమ్మం వ్యవసాయ మార్కెట్లో తేజ రకం కొత్త మిర్చి రికార్డు స్థాయి ధర పలికింది. క్వింటాల్ మిర్చిని రూ.25,550 పెట్టి కొన్నారు. ఖమ్మం మార్కెట్చరిత్రలో తేజ రకానికి ఇదే హయ్యస్ట్రేటు అని అధికారులు తెలిపారు. సోమవారం మొత్తం 20 వేల బస్తాల మిర్చి రాగా, మంత్రి పువ్వాడ అజయ్కుమార్పాల్గొని జెండా పాటను ప్రారంభించారు. భద్రాద్రి కొత్తగూడెం జిల్లా ఉలవనూర్ గ్రామానికి చెందిన అచ్చ శ్రీను అనే రైతు 40 క్వింటాళ్ల తేజ రకం కొత్త పంటను మార్కెట్కు తీసుకువచ్చాడు. క్వింటాల్రూ.25,550 పలకడంతో ఆనందం వ్యక్తం చేశాడు. ఈ సందర్భంగా మంత్రి అజయ్మాట్లాడుతూ.. ఖమ్మం మార్కెట్ను అంతర్జాతీయంగా చిల్లీస్ హబ్గా చేస్తామని, బీఆర్ఎస్ప్రభుత్వం వచ్చాక వ్యవసాయం లాభసాటిగా మారిందని అన్నారు. జెండా పాటలో అడిషనల్ కలెక్టర్ ఎన్.మధుసూధన్, ఏఎంసీ చైర్మన్ దొరేపల్లి శ్వేత, పాలకవర్గం సభ్యులు పాల్గొన్నారు.
