ఇటీవల కాలంలో మనం బయోలాజికల్ ఏజ్ గురించి తరుచుగా వింటున్నాం..లండన్‌ కు చెందిన 41యేళ్ల ఓ డాక్టర్ కూడా తాజాగా తన బయోలాజికల్ ఏజ్ 24 ప్రకటించుకున్నాడు. అది అతని వాస్తవ, కాలనిర్ణయ వయస్సు(క్రోనోలాజికల్ ఏజ్ ) కంటే 17 సంవత్సరాలు తక్కువగా ఉంది. గ్లైకాన్ఏజ్ ,ట్రూఏజ్ పేస్ వంటి టెస్టుల ద్వారా తన బయో ఏజ్ ను అంచనా వేశారు. ఇంతకీ బయోలాజికల్ ఏజ్ అంటే ఏందీ?.. క్రోనోలాజికల్ ఏజ్ అంటే ఏందీ? వాటిని ఎలా నిర్వచిస్తారు..వివరాల్లోకి వెళితే..
లండన్‌కు చెందిన 41 ఏళ్ల డాక్టర్ ఎనాయత్ తన బయో ఏజ్ 24 సంవత్సరాలని ప్రకటించుకున్నాడు. దీనర్థం శరీరం జీవసంబంధమైన ఆరోగ్య స్థితి,పనితీరును అంచనా వేసినప్పుడు అది అతని వాస్తవ, కాలనిర్ణయ వయస్సు(క్రోనోలాజికల్ ఏజ్ ) కంటే 17 సంవత్సరాలు తక్కువగా ఉంది. డాక్టర్ ఎనాయత్ ఏడేళ్లుగా క్రమం తప్పకుండా రక్తం, మూత్రం ,మైక్రోబయోమ్ పరీక్షలతో పాటు అతని ఆరోగ్యాన్ని ట్రాక్ చేస్తున్నారు. ఫలితాల ఆధారంగా అతను సప్లిమెంట్లతో సహా ఆయుష్సు ను పెంచే దినచర్యను పాటించాడు. డాక్టర్ ఎనాయత్ బి కాంప్లెక్స్, ఫోలేట్, మెగ్నీషియం ,ఒమేగా-3 కొవ్వు ఆమ్లాల వంటి సప్లిమెంట్లు రోజువారీగా వినియోగించారట.
ఈ సప్లిమెంట్లు తన బయో ఏజ్ ను తగ్గించాయని అంటున్నారు డాక్టర్ ఎనాయత్.
ALSO READ | డేంజర్లో మగజాతి:ఈ 5 రకాల క్యాన్సర్లు ఎక్కువగా వస్తున్నాయి..!
బయోలాజికల్ ఏజ్ ని బయోఏజ్ అని కూడా అంటారు. బయోఏజ్ తక్కువగా ఉన్న ఎనాయత్ కణాలు, కణజాలాలు ,అవయవాలు సగటు వ్యక్తి కణాలు, కణజాలాలు ,అవయవాల కంటే 17 సంవత్సరాలు తక్కువ ఏజ్ తో పనిచేస్తాయి. ఆరోగ్యకరమైన జీవనశైలి అంటే పోషకమైన ఆహారం, క్రమం తప్పకుండా వ్యాయామం, తగినంత నిద్ర, ఒత్తిడి నిర్వహణ బయోలాజికల్ ఏజ్‌ను తగ్గించడంలో సహాయపడుతుంది.
బయోలాజికల్ ఏజ్ తక్కువగా ఉండటం దీర్ఘకాలిక వ్యాధుల ప్రమాదాన్ని తగ్గించి, ఆరోగ్యకరమైన జీవన కాలాన్ని పెంచుతుందట. డాక్టర్ ఎనాయత్ బయోఏజ్ తక్కువగా ఉండటం అనేది అద్భుతమైన ఆరోగ్యం, జీవనశైలికి నిదర్శనం కావచ్చు. తన ఆరోగ్యకరమైన జీవన శైలిలో పోషకాహారం భర్తీ చేసేందుకు విటమిన్ బి కాంప్లెక్స్, మెగ్నీషియం, ఒమెగా 3 ఫ్యాటీ ఆమ్లాల సప్లిమెంట్లు సహాయపడ్డాయంటున్నారు డాక్టర్ ఎనాయత్. మరీ ఈ సప్లిమెంట్లు ఎలా ఉపయోగపడ్డాయో చూద్దాం.
విటమిన్ బి కాంప్లెక్స్..
మిథైలేషన్ జన్యు లోపం కారణంగా హోమోసిస్టీన్ స్థాయిలు పెరగడం వల్ల రక్తం గడ్డకట్టడం, గుండెపోటు ,స్ట్రోక్ వచ్చే ప్రమాదం ఎక్కువగా ఉంటుందని అంటున్నారు డాక్టర్ ఎనాయత్. తాను విటమిన్ బి కాంప్లెక్స్ ,ఫోలేట్ సప్లిమెంట్లను తీసుకుంటున్నానని చెప్పారు. ఈ సప్లిమెంట్లు హోమోసిస్టీన్ స్థాయిలను తగ్గించడంలో సహాయపడతాయి. సాధారణంగా డైటీషియన్లు ఆహారం ద్వారా పోషకాలను పొందాలని ,అవసరమైనప్పుడు మాత్రమే సప్లిమెంట్లను తీసుకోవాలని సిఫార్సు చేస్తారు. ఉదాహరణకు లోపం లేదా కొన్ని పోషకమైన ఆహారాలను తీసుకోలేకపోవడం వంటి సందర్భాల్లో చేపలు, పౌల్ట్రీ, చిక్కుళ్ళు ,ఆకుకూరలు వంటి బి విటమిన్లు అధికంగా ఉండే ఆహారం కూడా హోమోసిస్టీన్ స్థాయిలను తగ్గించడంలో సహాయపడతాయి.
అధ్యయనం ప్రకారం.. బి విటమిన్లు మెరుగైన మానసిక స్థితి, చిత్తవైకల్య నివారణకు బాగా ఉపయోగపడుతుంది. ఈ ఫలితాలను నిర్ధారించబడలేదు.. మరిన్ని అధ్యయనాలు అవసరం.
మెగ్నీషియం..
డాక్టర్ ఎనాయత్ ఆహారంలో సహజంగా మెగ్నీషియం లోపం కారణంగా మెగ్నీషియం బి గ్లైసినేట్ ఉపయోగించారట. ఈ సప్లిమెంట్ ను మెరుగైన శోషణకు వాడతారు. ఎముకల ఆరోగ్యం, రక్తంలో చక్కెర నియంత్రణ ,కండరాల పనితీరుకు మెగ్నీషియం చాలా అవసరం. చిక్కుళ్ళు, ఆకుకూరలు వంటి ఆహారాలలో కూడా ఇది లభిస్తుంది.
మెగ్నీషియం తీసుకోవడం వల్ల కండరాల నొప్పులు తగ్గుతాయని ,అతని నిద్ర మెరుగుపడుతుందని, తద్వారా అతను మరింత సులభంగా నిద్రపోతానని అతను డాక్టర్ ఎకాయత్ సప్లిమెంట్ వినియోగం వెనక సీక్రెట్ చెప్పారు.
ఒమేగా-3 కొవ్వు ఆమ్లాలు..
డాక్టర్ ఎనాయత్ సహజంగానే ప్రతిరోజూ ఒమేగా-3 సప్లిమెంట్ తీసుకుంటాడట. జిడ్డుగల చేపలు, వాల్‌నట్‌లు,చియా విత్తనాలలో లభించే ఒమేగా-3లు గుండె ఆరోగ్యానికి బాగా సపోర్టు చేస్తాయి. రక్తపోటును తగ్గిస్తాయి. వారానికి ఒకసారి కొవ్వుతో కూడిన చేపలు తినడం హృదయ సంబంధ వ్యాధుల నుంచి రక్షణ కల్పిస్తుందని నిరూపించబడినప్పటికీ, సప్లిమెంట్ రూపంలోని ప్రయోజనాలు అంత స్పష్టంగా లేవు. కొన్ని పరిశోధనలు ఒమేగా-3 సప్లిమెంట్లు వృద్ధాప్యం త్వరగా రాకుండా పనిచేస్తాయని చెబుతున్నాయి. ప్రతిరోజూ ఒమేగా-3లు తీసుకునే పాల్గొనేవారికి తక్కువ బయోలాజికల్ ఏజ్ ఉందని ఇటీవలి అధ్యయనంలో రుజువైంది.
