యాదాద్రి, వెలుగు: ఉద్యోగ నియామకాల పత్రాలు అందుకోవడానికి యాదాద్రి జిల్లా నుంచి 438 మంది అభ్యర్థులు హైదరాబాద్కు తరలివెళ్లారు. పోలీస్ డిపార్ట్మెంట్లోని వివిధ విభాగాల్లో ఎంపికైన వారికి సీఎం రేవంత్రెడ్డి నియామక పత్రాలు అందిస్తున్న సంగతి తెలిసిందే. వీరందరినీ హైదరాబాద్లోని ఎల్బీ స్టేడియం వద్దకు తరలించడానికి జిల్లా ఆఫీసర్లు ప్రత్యేకంగా బస్సులను ఏర్పాటు చేశారు.
వచ్చిన అభ్యర్థుల వివరాలు నమోదు చేసుకున్నారు. అనంతరం వారందరు వెళ్తున్నబస్సులను డీసీపీ రాజేశ్ చంద్ర, అడిషన్ కలెక్టర్ జీ వీరారెడ్డి జెండా ఊపి పంపించారు. కార్యక్రమంలో మున్సిపల్ కమిషనర్ నాగిరెడ్డి, అధికారులు, పోలీస్ అధికారులు ఉన్నారు.
