డెహ్రడూన్: కరోనాపై పోరులో కలిసి రావాలంటూ ప్రధాని ఇచ్చిన పిలుపుకు స్పందించిన డెహ్రాడూన్ మహిళ స్పందించింది. తాను దాచుకున్న సొమ్మంతా పీఎం కేర్ ఫండ్కు ఇచ్చేసింది. ఛమోలీ జిల్లా గౌచర్ ఏరియాకు చెందిన దేవకి భండారి(60) తను దాచుకున్న రూ.10 లక్షలను డొనేట్ చేసింది. బుధవారం ఈ సొమ్ముకు సంబంధించిన చెక్కును అధికారులకు అందజేసింది. ఈ విషయం తెలిసి సీఎం త్రివేంద్ర సింగ్ రావత్ ఆమెను పురాణాల్లోని కర్ణుడు, బలి చక్రవర్తిలతో పోల్చారు. యావత్ దేశానికి దేవకి ఆదర్శమని కొనియాడారు. నిస్వార్థ సేవకు ఆమె స్ఫూర్తిగా నిలుస్తారని, కరోనాపై పోరులో నైతిక స్థైర్యాన్నిస్తారని ప్రశంసించారు. మనందరికి దేవకి ఆదర్శంగా నిలిచారని అన్నారు.
