రంగారెడ్డి జిల్లా మణికొండ మున్సిపాలిటీ పరిధిలోని శ్రీనివాసం అపార్ట్‌మెంట్‌లో గురువారం (అక్టోబర్ 26న) అగ్నిప్రమాదం జరిగింది. ప్రమాదవశాత్తు 5వ ఫ్లోర్ లోని ఓ ప్లాట్‌లో ఒక్కసారిగా మంటలు చెలరేగాయి. వెంటనే ఇంట్లోని వాళ్లు బయటకు పరుగులు తీశారు. విషయాన్ని గ్రహించిన అపార్ట్ మెంట్వాసులు వెంటనే అగ్నిమాపక సిబ్బందికి, మణికొండ మున్సిపాలిటీ సమాచారం అందించారు.
విషయం తెలియగానే అగ్నిమాపక సిబ్బంది ఘటనాస్థలానికి చేరుకున్నారు. దాదాపు రెండు గంటల పాటు శ్రమించి.. మంటలను ఆర్పివేశారు. ఈ ప్రమాదంలో ఆస్తి నష్టం వాటిల్లిందని బాధితులు చెప్పారు. షాట్‌ సర్క్యూట్‌ కారణంగానే ప్లాట్‌లో మంటలు చెలరేగాయని ప్రాథమికంగా గుర్తించారు. శ్రీనివాసం అపార్ట్‌మెంట్‌లో మొత్తం 54 కుటుంబాలు ఉంటున్నాయి.
ALSO READ :- 4 నెలల్లో.. రూ.4 కోట్లు పోయాయి.. వృద్ధులను పీడించి మరీ దోచుకున్నారు సైబర్ కేటుగాళ్లు..
