మేడ్చల్, వెలుగు: మేడ్చల్చెక్పోస్ట్ఏరియాలో ఓ వ్యక్తి హత్యకు గురయ్యాడని సీఐ సత్యనారాయణ తెలిపారు. ఈ కేసులో నిందితులను 24 గంటల్లో అరెస్ట్చేసినట్లు సీఐ సత్యనారాయణ తెలిపారు. నరసింహ(37), వరంగల్కు చెందిన అనిత, నిజామాబాద్ కు చెందిన నర్సింహులు మేడ్చల్చెక్పోస్ట్ఏరియాలో చెత్త ఏరుకుంటూ జీవనం సాగిస్తున్నారు. తరచూ స్థానిక వెంకటరమణ లిక్కర్అండ్వైన్స్ కు వచ్చి, మద్యం మత్తులో గొడవ పడుతున్నారు. గత శనివారం మధ్యాహ్నం 2 గంటలకు నరసింహ మద్యం మత్తులో రోడ్డుపై పడిపోయాడు. సాయంత్రం 6 గంటలకు అనిత, నర్సింహులు వచ్చి అతనితో తాము స్క్రాప్ డబ్బులు తీసుకుంటున్నామని చెప్పడంతో గొడవ జరిగింది.
ఇద్దరూ కలిసి నరసింహను విచక్షణారహితంగా కొట్టారు. ఆ దెబ్బలకు తాళలేక అతను మృతిచెందాడు. వైన్స్ క్యాషియర్ మహేశ్ ఫిర్యాదు మేరకు పోలీసులు కేసు నమోదు చేశారు. మేడ్చల్ ఏసీపీ శంకర్ రెడ్డి ఆధ్వర్యంలో సీఐ సత్యనారాయణ, ఎస్సైలు సురేశ్, యతీశ్చంద్ర ఆదివారం నిందితులు నరసింహ, అనితను పట్టుకున్నారు. విచారణలో చెత్త డబ్బుల విషయంలో విభేదాలు రావడం వల్లే అతన్ని చంపినట్లు వారు ఒప్పుకున్నారు. దీంతో ఇద్దరినీ అరెస్ట్చేసి, రిమాండ్కు తరలించినట్లు సీఐ తెలిపారు. అయితే మృతుడికి సంబంధించిన పూర్తి వివరాలు తెలియలేదని పేర్కొన్నారు.
