హీరోయిన్ మౌనిరాయ్ కి పెద్ద ప్రమాదం తప్పింది. ఆమె ప్రయాణిస్తున్న కారుపై పెద్ద బండరాయి వచ్చి పడింది. ఈ ప్రమాదం బుధవారం ఉదయం ముంబైలో జరిగింది. కారులో ప్రయాణిస్తున్న మౌనిరాయ్..జుహు ప్రాంతంలో రెడ్ సిగ్నల్ పడటంతో కారు ఆపింది. అంతలోనే ఆమె కారు ముందుభాగంపై ..11 అంతస్తుల అపార్ట్ మెంట్ నుంచి ఓ పెద్ద బండరాయి పడింది. ఎవ్వరికీ ప్రమాదం జరగనప్పటికీ.. కారు ముందుభాగం డ్యామేజ్ అయ్యింది. కొంచెం అటు ఇటు అయినా హీరోయిన్ కు పెద్ద ప్రమాదం జరిగేది.
ఈ విషయాన్ని ట్విట్టర్ ద్వారా తెలిపిన మౌనిరాయ్..బాధ్యతరాహిత్యంగా వ్యవహరించిన వారిపై సీరియస్ అయ్యింది. ఒకవేళ నా కారుపైన కాకుండా.. ఈ దారి వెంట వెళ్ళే ఎవరిపైనైనా పడుంటే పరిస్థితి ఏంటి? ముంబై మెట్రో పనులు ఎంత బాధ్యతారహిత్యంగా కొనసాగుతున్నాయో చెప్పడానికి ఇదొక మంచి ఉదాహరణ’’ అని ట్వీట్ చేసింది.
మౌనిరాయ్ గోల్డ్‌, బ్ర‌హ్మ‌స్త్రా త‌దిత‌ర సినిమాల్లో నటించింది.
Was on my way to work at Juhu signal a huge rock falls on the car 11 floors up. cant help but think what if anybody was crossing the road. Any suggestions as to what to be done with such irresponsibility of the mumbai metro ? pic.twitter.com/UsKF022lpl
— Mouni Roy (@Roymouni) September 18, 2019
