గొర్రె ధర సాధారణంగా ఎంత ఉంటుంది. మహా అయితే రూ.8 – 15 వేల మధ్యలో అంతేనా. ఇప్పుడు మీరు చదవబోయే గొర్రె గురించి వింటే షాక్ అవుతారు. దాని ధర అక్షరాల రూ.కోటి. మీరు విన్నది నిజమే ఫొటోలో చూస్తున్న గొర్రే అది. రాజస్థాన్లోని చురు జిల్లాకు చెందిన గొర్రెల పెంపకందారుడు రాజు సింగ్ వద్ద గల గొర్రె రికార్డు స్థాయిలో రూ.కోటి ధర పలికి ఆశ్చర్యపరిచింది.
ముస్లింలు పవిత్రంగా భావించే '786' సంఖ్య దాని పొట్టపై ఉర్దూలో ఉండటమే ఈ రికార్డు ధరకు కారణంగా తెలుస్తోంది. గతేడాదే పుట్టిన ఈ జీవాన్ని కొనడానికి చిన్నపాటి వేళం పాటే నిర్వహించారు. రూ.70 లక్షలు ఇస్తామని ఒకరనగా.. చివరగా రూ.కోటి ఇస్తామని మరొకరు ముందుకొచ్చినట్లు యజమాని తెలిపాడు. అయితే ఆ గొర్రె తనకెంతో ఇష్టమని అందుకే ఎంత డబ్బిచ్చినా అమ్మేది లేదని ఆయన చెప్పడం విశేషం.
