పుతిన్పై తిరుగుబాటు మొదలైందన్న ఉక్రెయిన్ మేజర్ జనరల్
కీవ్: రష్యా అధ్యక్షుడు వ్లాదిమిర్ పుతిన్కు వ్యతిరేకంగా తిరుగుబాటు మొదలైందా? పుతిన్ మానసికంగా, శారీరకంగా ఇబ్బందులు ఎదుర్కొంటున్నారా? దీనికి అవుననే సమాధానం చెబుతున్నారు ఉక్రెయినియన్ మిలిటరీ అధికారి ఒకరు. పుతిన్ను గద్దె దించేందుకు ఇప్పటికే తిరుగుబాటు మొదలైందని, దీనిని ఆపడం ఎవరి తరం కాదని ఉక్రెయిన్ మేజర్ జనరల్ కిరిలో బుడనోవ్ చెప్పారు. రష్యా- ఉక్రెయిన్ యుద్ధం ఆగస్టు మధ్య లేదా ఈ ఏడాది చివరి నాటికి కీలక దశకు చేరుకుంటుందని ఆయన అంచనా వేస్తున్నారు. ఒకవేళ ఉక్రెయిన్తో యుద్ధంలో రష్యా ఓటమిపాలైతే, పుతిన్ను అధికారం నుంచి తొలగిస్తారని, ఆ దేశం కుప్పకూలిపోతుందని అన్నారు. ‘‘ఉక్రెయిన్ యుద్ధం రష్యన్ ఫెడరేషన్ నాయకత్వంలో మార్పులకు కారణం అవుతోంది. ఈ ప్రక్రియ ఇప్పటికే ప్రారంభమైంది. ఆ దారిలోనే కొనసాగుతోంది. దీనిని ఆపడం అసాధ్యం”అని చెప్పారు. ఉక్రెయిన్ వార్లో రష్యాకు ఎదురుదెబ్బలు తగులుతున్నాయని, యూరోప్రష్యాను పెద్ద ముప్పుగా చూస్తోందని, ఇన్నాళ్లూ అందరూ భావిస్తున్నట్టుగా రష్యా సూపర్ పవర్ అనేది అవాస్తవమని బుడనోవ్ చెప్పారు.
ఉక్రెయిన్లో రష్యాకు అడ్డంకులు
ఉక్రెయిన్ యుద్ధంలో రష్యాకు అడుగడుగునా అడ్డంకులు ఎదురవుతున్నాయి. దీంతో కీవ్, ఖార్కివ్ లాంటి నగరాలను స్వాధీనం చేసుకోవాలన్న ప్రయత్నాలు నత్తనడకన సాగుతున్నాయి. అయితే పారిశ్రామిక ప్రాంతమైన డాన్బాస్ ఏరియాలో మాత్రం ఇరు వర్గాల మధ్యా తీవ్ర స్థాయిలో పోరాటం జరుగుతోంది. కాగా, నాటోలో చేరేందుకు దరఖాస్తు చేసుకుంటామని ఫిన్లాండ్ మరోసారి స్పష్టంచేసింది. దీనిపై చర్చించేందుకు బెర్లిన్లో నాటో డిప్లమాట్స్ సమావేశమయ్యారు. నాటోలో చేరే విషయంపై స్వీడన్ గవర్నింగ్ పార్టీ కూడా సానుకూలంగానే ఉంది. త్వరలోనే దీనిపై ప్రకటన
వెలువడే అవకాశం ఉంది.
ప్రెసిడెంట్కు అనారోగ్యం?
పుతిన్ తీవ్ర అనారోగ్యం పాలయ్యారని బ్రిటన్ గూఢచారి క్రిస్టోఫర్ స్టీల్స్ వెల్లడించారు. అయితే ఆ అనారోగ్యం ఏమిటనేది స్పష్టంగా తెలియకపోయినా, ఆయన తీవ్ర అనారోగ్యం పాలయ్యారనేది నిజమని చెప్పారు. పుతిన్ బ్లడ్ క్యాన్సర్తో బాధపడుతున్నారని ఆయన సన్నిహి త పారిశ్రామికవేత్త ఒకరు చెప్పారు. రష్యా పారిశ్రామికవేత్త, వెస్ట్రన్ కంట్రీస్కు చెందిన పెట్టుబడిదారుతో మాట్లాడి న ఆడియో క్లిప్ను అమెరికాకు చెంది న న్యూలైన్స్ మ్యాగజీన్ విడుదల చేసింది. ఇందులో వారిద్దరూ పుతిన్ ఆరోగ్య పరిస్థితి గురించి చర్చించారు. ఉక్రెయిన్పై చొరబాటుకు కొద్దిరోజుల ముందు బ్లడ్ క్యాన్సర్కు సంబంధించి పుతిన్ సర్జరీ చేయించుకున్నట్టు ఆయన చెప్పారు. పుతిన్ చనిపోవాల ని అందరూ కోరుకుంటున్నారని, రష్యా, ఉక్రెయిన్ తోపాటు చాలా దేశాల ఆర్థిక వ్యవస్థను పుతిన్ దెబ్బతీశారని, తప్పుడు నిర్ణయాలతో ప్రపంచాన్ని తలకిందులు చేశారని చెప్పారు. అయితే పుతిన్ ఆరోగ్యంపై ఇప్పటి వరకు క్రెమ్లిన్
ఎలాంటి ప్రకటనా చేయలేదు.
