- 1984 లో టీడీపీ నుంచి గెలిచిన కల్పనాదేవి
- 1989 తర్వాత మహిళలకు ఛాన్స్ ఇవ్వని ప్రధాన పార్టీలు
- ఇన్నాళ్లకు కావ్యకు అవకాశం వరంగల్ నుంచి కాంగ్రెస్
- తొలి మహిళా ఎంపీగా రికార్డు
హనుమకొండ, వెలుగు: వరంగల్ ఎంపీగా కడియం కావ్య చారిత్రాత్మక విజయాన్ని సొంతం చేసుకున్నారు. వరంగల్ పార్లమెంట్ స్థానంలో దాదాపు 40 ఏండ్ల తర్వాత గెలిచిన మహిళా ఎంపీగా చరిత్ర సృష్టించారు. 1984లో ఈ స్థానం నుంచి టీడీపీ అభ్యర్థి డాక్టర్ టి.కల్పనాదేవి కాంగ్రెస్ అభ్యర్థి కమాలుద్దీన్ అహ్మద్పై పోటీ చేసి 8,456 ఓట్ల ఆధిక్యంతో గెలిచారు. మళ్లీ 1989లో ఆమె పోటీ చేసినా గెలవలేదు.
ఆ ఎన్నిక తర్వాత 10 సార్లు ఎన్నికలు జరిగినా.. ప్రధాన పార్టీలు మహిళలకు అవకాశం ఇవ్వలేదు. ఇండిపెండెంట్గా కొందరు బరిలో నిలిచినా గెలుపొందలేదు. మళ్లీ ఈ ఎన్నికల్లో కాంగ్రెస్కడియం కావ్యకు ఛాన్స్ ఇవ్వగా, ఆమె బీజేపీ అభ్యర్థి ఆరూరి రమేశ్పై 2,20,339 ఓట్ల మెజారిటీతో గెలిచి సత్తా చాటారు. కాగా, వరంగల్ స్థానంలో కాంగ్రెస్ నుంచి గెలిచిన మొట్టమొదటి మహిళ ఎంపీగా కడియం కావ్య రికార్డు సాధించడం గమనార్హం.
